فوتو: ult.kz
زاڭ عىلىمدى دامىتۋعا جانە ەلىمىزدىڭ عىلىمي يدەيالار مەن عىلىمي ازىرلەمەلەرگە نەگىزدەلگەن جوعارى تەحنولوگيالىق, يننوۆاتسيالىق دامۋ جولىنا تۇسۋىنە زور مۇمكىندىك بەرەدى.
زاڭنىڭ قابىلدانۋى ەل ەكونوميكاسىن دامىتۋدىڭ جوعارى تەحنولوگيالىق جولىنا بىردەن ءارى جىلدام وتۋىنە كەپىلدىك بەرەدى دەگەن ءسوز ەمەس. ول ءۇشىن بۇل باعىتتا عىلىم مەن بيزنەستىڭ شىنايى ينتەگراتسياسى بولۋى قاجەت. سونىڭ نەگىزىندە عانا يننوۆاتسيالىق دامۋ جولىنا تۇسەمىز. ول ءۇشىن قيىندىقتاردى ەڭسەرە وتىرىپ, ۇزدىكسىز جۇمىس ىستەۋگە تۋرا كەلەدى. قازىر ءبىز دامۋدىڭ تەك العاشقى ساتىسىندا تۇرمىز. بيزنەس پەن عىلىم, اتقارۋشى بيلىك پەن عىلىم اراسىندا سەنىمسىزدىك پەن تۇسىنىسپەۋشىلىك بار. وسى كەدەرگىنى جويۋ ءۇشىن نە ىستەۋ كەرەك؟ ەڭ الدىمەن, دامىعان ەلدەردەگىدەي ولاردىڭ تاجىريبەسىن مۇقيات زەرتتەپ, ۋنيۆەرسيتەتتەر, عىلىمي زەرتتەۋ ينستيتۋتتارى, مۇمكىن اكىمدىكتەر جانىنان يننوۆاتسيالىق ورتالىقتار قۇرۋ قاجەت. ال بۇل جەردە ستارتاپقا, عىلىمي يدەيانى, عىلىمي ازىرلەمەلەردى اكەلۋ ۇدەرىسىن ساۋاتتى, ءتيىمدى قۇرۋعا باسا نازار اۋدارۋ كەرەك. ودان كەيىن ىشكى جانە سىرتقى نارىققا شىعا وتىرىپ, يننوۆاتسيالىق ونىمدەردى كەڭ اۋقىمدى, ونەركاسىپتىك تۇرىندە وندىرگەن ابزال. مۇنداي ساۋاتتى ءۇردىس بولماسا, يننوۆاتسيالىق ورتالىقتاردى قۇرۋمەن ەشتەڭەگە قول جەتكىزە المايمىز. ال دامىعان ەلدەردىڭ تاجىريبەسىن زەردەلەۋ كەزىندە وسى ۇدەرىستىڭ قۇرىلىسىن مۇقيات زەردەلەۋ كەرەك.
وسىنداي يننوۆاتسيالىق ورتالىقتاردى الماتى قالاسىنان قۇرۋدى باستاۋ قاجەت. ويتكەنى ەلىمىزدىڭ عىلىمي الەۋەتىنىڭ 70 پايىزى, بيزنەس پەن الەۋەتتى ينۆەستورلاردىڭ 30 پايىزعا جۋىعى وسىندا ورنالاسقان. عىلىم مەن بيزنەستىڭ مۇنداي وراسان زور الەۋەتىن عىلىمدى كوممەرتسيالاندىرۋعا پايدالانىپ, وسى تاجىريبەنى ءارى قاراي ەلىمىزدە كەڭەيتكەن ءجون. بۇل ءبىر ايلىق نەمەسە ءبىر جىلدىق جۇمىس ەمەس. تاجىريبەلى, عىلىمي يدەيانى, ازىرلەمەنى ستارتاپقا دەيىن جەتكىزە الاتىن, عالىمدار مەن كاسىپكەرلەر, ينۆەستورلار اراسىندا ءتيىمدى بايلانىس ورناتۋعا قابىلەتتى, كوممەرتسيالاندىرۋ ماماندارىنىڭ بىرنەشە جىل بويى تىنىمسىز جۇمىسىن تالاپ ەتەتىن ۇدەرىس. ەڭ باستىسى, «عىلىمي-تەحنيكالىق ساياسات تۋرالى» زاڭ ەلىمىزدىڭ جوعارى تەحنولوگيالىق دامۋى ءۇشىن مىقتى زاڭنامالىق نەگىز بەرەدى. وسى زاڭدى نەگىزگە الا وتىرىپ, عىلىمي الەۋەتىمىزدى دامىتا الامىز.
جۇماباي ءدىلمانوۆ,
عىلىمدى كوممەرتسيالاندىرۋ
وداعى توراعاسىنىڭ ورىنباسارى
