عالىمداردىڭ پىكىرىنشە, ءدال مۇنداي نىسان بۇرىنعى زەرتتەۋلەردە كەزدەسپەگەن. حV-XVI عاسىرلارعا ءتان نىسان كۇيدىرىلگەن كىرپىشتەن قالانعان ەكەن. الايدا سان جىل بويى قۇم جاسىرعان كەسەنەنىڭ كۇمبەزى قيراپ قالعان. ال جابىق ءدالىزى سول قالپىندا ساقتالىپتى.
«مۇنداي كەسەنەلەر سارايشىق قالاسىندا بۇرىن دا تابىلعان ەدى. بىراق قاتتى ب ۇلىنگەنى انىقتالعان بولاتىن. بۇل كەسەنەنىڭ دروموسى تولىق ساقتالىپ قالعان. ازىرگە الدىن الا بولجام بويىنشا مۇندا مارتەبەلى ادام جەرلەنگەن بولۋى مۇمكىن», دەيدى ارحەولوگ امانگەلدى زاينوۆ.
ونىڭ ايتۋىنشا, ەسىگى وڭتۇستىك شىعىسقا قاراعان دروموستىڭ ۇزىندىعى – 170, بيىكتىگى 60 سانتيمەتر. ازىرگە ءدالىز جارتىلاي قازىلعان.
«قازبا جۇمىسى ءۇش بولىككە ءبولىپ جۇرگىزىلدى. دالىزگە جالعاسقان كولەمدى قابىردىڭ قابىرعاسى تابىلدى. انىقتالعان قابىرعانىڭ ۇزىندىعى – 6, بيىكتىگى – 1 مەتر, قالىڭدىعى 55 سانتيمەتر.
«بۇل كەسەنەنى سالۋعا سارى جانە قىزىل كىرپىش پايدالانىلعان. سارى كىرپىش – التىن وردا ءداۋىرىنىڭ ەسكى كىرپىشى, ال قىزىل كىرپىش قۇرىلىس سالىناردا كۇيدىرىلىپ جاسالعانى انىق. بۇل – سارايشىقتاعى ەڭ سيرەك كەزدەسەتىن نىسان», دەيدى ارحەولوگيالىق قازباعا قاتىسقان ستۋدەنت ەراسىل ومىربەك.
دروموستىڭ وڭتۇستىك بولىگىندە شارۋاشىلىق بولمە بولعانى انىقتالعان. قازبا كەزىندە قىش قۇمىرالار مەن ءتۇرلى بۇيىم, ورتاعاسىرداعى ساندىك جاپسىرمالار, مىس تيىندار تابىلدى. ورتاعاسىرلىق قالاداعى قازبا جۇمىسىنا ح.دوسمۇحامەدوۆ اتىنداعى اتىراۋ ۋنيۆەرسيتەتىنىڭ 19 ستۋدەنتى اتسالىستى. ەندى الداعى ۋاقىتتا ارحەولوگيالىق نىساندى زەرتتەۋدى جالعاستىرۋ كوزدەلىپ وتىر.
اتىراۋ وبلىسى
