فوتو: ءماجىلىستىڭ ءباسپاسوز قىزمەتى
كاسىپكەرلەر دەپۋتاتقا ىشكى سۋ تاسىمالى سالاسىنداعى ماسەلەلەر تۋرالى بايانداپ بەردى.
«قازفلوت» جەكە كاسىپكەرلىگىنىڭ باسشىسى ۆيكتور پودنەبەسوۆتىڭ ايتۋىنشا, زاۋىت قاراماعىندا توعىز كەمە بار. ولار: تەپلوحودتار, بارجالار, تارتقىشتار جانە وزەن كراندارى. ولاردىڭ جارتىسى جوندەلدى, ال قالعانى كۇردەلى جوندەۋدى قاجەت ەتەدى. سونىمەن قاتار بىرقاتار لوگيستيكالىق ماسەلەلەر دە ءوز شەشىمىن تاۋىپ جاتىر.
«وتكەن جىلى يندۋستريا جانە ينفراقۇرىلىمدىق دامۋ مينيسترلىگى ەلىمىزدىڭ ءۇش سۋ باسسەينى – اتىراۋ, ارال جانە ەرتىس وزەندەرىنىڭ كولىگى مەن ينفراقۇرىلىمىن قالپىنا كەلتىرۋگە 64 ملرد تەڭگە بولىنەتىنىن مالىمدەنگەن ەدى. ونىڭ 27 ميلليارد تەڭگەسىن كولىك مينيسترلىگى بيىل سۋ كولىگى مەن ينفراقۇرىلىمدى دامىتۋ جانە كۇتىپ ۇستاۋ باعىتىندا يگەرۋگە ءتيىس», دەدى م.ماگەرراموۆ.
ءماجىلىس دەپۋتاتى ىشكى سۋ تاسىمالىنىڭ دامۋى مەن قاۋىپسىزدىگىنىڭ ەكى قۇرامداس بولىگىن – جاعالاۋداعى كولىك ينفراقۇرىلىمى مەن ساپالى جوندەۋ بازاسىن قامتاماسىز ەتۋ قاجەتتىگىن اتاپ ءوتتى. مۇنىڭ بارلىعى مەملەكەت باسشىسىنىڭ 2023 جىلعى جولداۋىندا ايتىلعان كولىك-لوگيستيكا سالاسىن دامىتۋ باعىتىنداعى تاپسىرماسىن تابىستى ىسكە اسىرۋعا ىقپال ەتەدى.
«ەللينگ پۆ» سەرىكتەستىگى – قازاقستانداعى جالعىز كەمە جوندەۋ كاسىپورنى. ونى قازاقستان حالىق پارتياسى فراكتسياسىنىڭ دەپۋتاتتارى ۇكىمەتكە ءتيىستى دەپۋتاتتىق ساۋال جولداۋ ارقىلى ساقتاپ قالدى دەۋگە بولادى. ناتيجەسىندە باس پروكۋراتۋرا بىرقاتار تالاپتىڭ بۇزىلعانىن انىقتادى. ولاردى جويۋ ءۇشىن مەكتەپ سالۋ ماقساتىمەن سەرىكتەستىكتىڭ جەر ۋچاسكەلەرىن ماجبۇرلەپ يەلىكتەن شىعارۋ تۋرالى قابىلدانعان بۇرىنعى شەشىم جويىلدى.
سونىمەن قاتار ماگەررام ماگەرراموۆ وزەن فلوتىنىڭ دامۋى بۇكىل وبلىستىڭ وركەندەۋىندە ەرەكشە ءرول اتقاراتىنىن ايتىپ, وتاندىق كاسىپكەرلەردى قولداۋدىڭ ماڭىزدىلىعىنا توقتالدى. وتكەن جىلى وزەن فلوتى بيۋدجەتكە 20 ملرد تەڭگە پايدا اكەلگەن.
