فوتو: ۆيدەودان الىنعان كادر
كۋاگەرلەردىڭ ايتۋىنشا, وقيعا تاڭعى ساعات 05:00 شاماسىندا 3-شاعىن اۋدانداعى №7 ءۇيدىڭ ماڭىندا بولعان.
ماڭعىستاۋ وبلىسى پوليتسيا دەپارتامەنتىنىڭ ءباسپاسوز قىزمەتى اپاتقا 2005 جىلعى جىگىت كىنالى ەكەنىن ءمالىم ەتتى.
«اقتاۋ پوليتسيا باسقارماسىنىڭ پاترۋلدىك پوليتسيا باتالونىنىڭ قىزمەتكەرلەرى قۇقىق بۇزۋشىنى انىقتادى. ول «جول قوزعالىسىنا قاتىسۋشىلارعا قويىلاتىن وزگە دە تالاپتاردى بۇزۋ» اكىمشىلىك قۇقىق بۇزۋشىلىق تۋرالى كودەكستىڭ 620-بابى بويىنشا جاۋاپقا تارتىلدى», دەپ حابارلادى دەپارتامەنت وكىلدەرى.
الايدا كۋاگەرلەر وقيعا كەزىندە كولىكتى قىز باسقارىپ, قاتتى جىلدامدىقپەن كەلە جاتقانىن العا تارتادى.
«Nissan ماركالى كولىك ويىن الاڭىنىڭ قورشاۋىنا بۇزىپ ءوتتى. جىلدامدىق كۇشتى بولدى - 80-90 شاقىرىم. ۇيلەردەگى ادامدار ويانىپ كەتتى. كولىكتە ءۇش ادام بولدى. رۋلدە ءبىر قىز بولعان, ولار بۇل فاكتىنى پوليتسيادان جاسىرۋعا تىرىستى. ولار كولىكتى تارتىپ الىپ, كەتكىلەرى كەلدى. نەلىكتەن پوليتسيا قىزمەتكەرى سول جەردە قىزدى سۇرامادى؟ جىگىتتەر كىنانى ءوز موينىنا الدى. بۇگىن ول ويىن الاڭىنا سوعىلدى - كەشىرىلدى, ەرتەڭ ادامداردى قاعىپ كەتىپ, كەشىرىم سۇراي ما؟ كورشىلەردىڭ بارلىعى كوردى. پوليتسەي ولاردان سۇرامادى», دەدى وقيعا ورنىنا جاقىن ورنالاسقان ءۇي تۇرعىندارىنىڭ ءبىرى.
