قورعانىس مينيسترلىگىنىڭ ءباسپاسوز قىزمەتى مەرزىمدى قىزمەتتەگى اسكەري قىزمەتشىلەرمەن بايلانىستى جاريالانىمدارعا قاتىستى تۇسىنىكتەمە بەردى.
- قاتارداعى رايان مۇحتاروۆ پەن قاتارداعى جاۋىنگەر الماس ناحيموۆتىڭ ولىمىنە قاتىستى دەرەكتەر ۇلتتىق ۇلاندا بولدى جانە بۇل قارۋلى كۇشتەرمەن بايلانىستى ەمەس. 2024 جىلى 13 مامىردا سارىوزەك كەنتىندەگى 29108 اسكەري بولىمىندە بولعان قاتارداعى جاۋىنگەر دوسىمجان ءسالىمجاننىڭ قايتىس بولۋىنا بايلانىستى قىلمىستىق ءىس قوزعالدى, - دەپ مالىمدەدى قورعانىس مينيسترلىگى وكىلدەرى.
وندا قازا تاپقان اسكەري قىزمەتكەردىڭ اتا-انالارىنا بارلىق قولداۋ كورسەتىلەتىنىن, بارلىق ءتيىستى وتەماقىنى تولەۋ تۇرىندە كومەك كورسەتىلگەنىن قوستى. ال قورعانىس ۆەدومستۆوسى مەن اتا-انالار جۇرگىزىلىپ جاتقان تەرگەۋ ءىس-شارالارىنىڭ وبەكتيۆتىلىگىنە مۇددەلى.
- اسكەري قىلمىستاردى تەرگەۋ بارىسىن باس پروكۋراتۋرا مەن ىشكى ىستەر مينيسترلىگىنىڭ ءتيىستى بولىمشەلەرى قاداعالايدى. قارۋلى كۇشتەردىڭ باسشىلىعى مەن اسكەري بولىمدەردىڭ قولباسشىلىعى تەرگەۋ ارەكەتتەرى مەن قاجەتتى راسىمدەردى جۇرگىزۋدە اشىقتىق پەن وبەكتيۆتىلىك قاعيداتتارىن ۇستانادى, - دەپ تولىقتىردى مينيسترلىكتە.
ەسكە سالايىق, 13 ماۋسىمدا قازاقستاندىق مەرزىمدى سارباز جاراقات الىپ قايتىس بولدى. وقيعا دەرەگى بويىنشا قىزمەتتىك تەكسەرۋ تاعايىندالدى. قىلمىستىق ءىس قوزعالدى.
