فوتو: daily.afisha.ru
قر مەملەكەتتىك قىزمەت ىستەرى اگەنتتىگىنىڭ اتىراۋ وبلىسى بويىنشا دەپارتامەنتى اتالعان بوت-پلاتفورما ارقىلى كەلىپ تۇسكەن شاعىمداردى قاراپ, قىزمەت الۋشىلارعا ءتيىستى جاۋاپ ۇسىنۋ, قۇقىقتارى بۇزىلعان جاعدايدا جەدەل قالپىنا كەلتىرۋ جۇمىستارىن جۇرگىزىپ جاتىر.
ماسەلەن, مەملەكەتتىك قىزمەت الۋ كەزىندە قيىن جاعدايعا تاپ بولعان ازامات 2007 جىلدان بەرى جەر ۋچاسكەسىن الۋ ءۇشىن كەزەكتە تۇرعانىن العا تارتتى. الايدا, «egov.kz» ۆەب-سايتىندا وعان جەر ۋچاسكەسى بەرىلگەنى كورسەتىلگەن.
دەپارتامەنت قىزمەتكەرلەرى اتالعان ماسەلەنى زەرتتەپ, اقپاراتتىق جۇيەنى ازىرلەۋشىلەرگە دالەلدى مالىمەتتەردى جولدادى. جۇرگىزىلگەن جاڭارتۋ ناتيجەسىندە قىزمەت الۋشىنىڭ جەر ۋچاسكەسىنە اقپاراتتىق جۇيەدەگى كەزەگى قالپىنا كەلتىرىلدى.
سونداي-اق كەزەكتى قىزمەت الۋشى حالىققا قىزمەت كورسەتۋ ورتالىعىنا تۇسىرگەن ءوتىنىشى بويىنشا تولىققاندى تۇسىندىرمە بەرىلمەگەنىن ايتىپ شاعىمداندى.
بۇل تۇستا, اتىراۋ قالاسىنداعى №2 حقكو ءبولىم باسشىسى قىزمەت الۋشىمەن تەلەفون ارقىلى بايلانىس ورناتىپ, شاعىمعا ارقاۋ بولعان ماسەلە بويىنشا ءتيىستى اقپارات تولىققاندى تۇردە بەرىلدى.
دەپارتامەنت قىزمەت الۋشىلاردىڭ «EgovKzBot2.0» Telegram بوت-پلاتفورماسى ارقىلى جولداعان ساۋالدارىنا ءتيىستى قۇقىقتىق-تۇسىندىرمە اقپاراتتارىن تۇراقتى تۇردە ۇسىنىپ وتىر.
