فوتو: gov.kz
وبلىستىق پروكۋراتۋرانىڭ ءباسپاسوز قىزمەتىنىڭ حابارلاۋىنشا, تالاس اۋداندىق پروكۋراتۋراسى «تازا-تالاس» شجق كمم-ءنىڭ بالانسىنداعى كولىكتەردىڭ ۇرلانۋ سحەماسىن انىقتادى.
«مەكەمە باسشىلىعى جالعان قۇجاتتار نەگىزىندە, ساتىلىمعا شىعارۋسىز 4 اۆتوكولىكتى ءۇشىنشى تۇلعالارعا ساتقان. مەملەكەتكە كەلتىرىلگەن زالال مولشەرى 22 ملن تەڭگەنى قۇراعان. اتالعان دەرەك نەگىزىندە تالاس اۋدانىنىڭ پروكۋراتۋراسى قك 189-بابى 4-بولىگى 2-تارماعىمەن (كىنالىگە سەنىپ تاپسىرىلعان بوتەن م ۇلىكتى ادامدار توبىنىڭ الدىن الا ءسوز بايلاسۋىمەن, اسا ipi مولشەردە تالان-تاراجعا سالۋ فاكتىسى بويىنشا) سوتقا دەيىنگى تەرگەپ تەكسەرۋ باستاعان», دەلىنگەن حابارلامادا.
قىلمىستىق ءىستى وبلىستىق پروكۋراتۋرانىڭ سوتقا دەيىنگى تەرگەۋ ءبولىمى تەرگەدى. ءىس اياسىندا پروكۋراتۋرا قۇنى 10 ميلليون تەڭگە تۇراتىن ەكى كولىكتى قايتارىپ, 7 ميلليون تەڭگەنى مەملەكەتتىڭ پايداسىنا ءوندىردى.
تالاس اۋداندىق سوتىنىڭ ۇكىمىمەن «تازا-تالاس» كاسىپورنىنىڭ ديرەكتورى مەن ونىڭ ورىنباسارى ءومىر بويىنا مەملەكەتتىك قىزمەتتە جۇمىس ىستەۋگە تىيىم سالىنىپ, 7 جىل مەرزىمگە باس بوستاندىعىنان ايىرىلدى.
سوت ۇكىمى زاڭدى كۇشىنە ەنگەن جوق.
