«تازا بەيسەنبى» اكتسياسىنا قاتىسۋشىلار ء«ۇبى» شيپاجايىنىڭ ماڭىنداعى «دەنساۋلىق جولى» اتتى دەمالىس الاڭىن اعاش قالدىقتارى مەن قوقىستان تازارتتى.
ء«بىز «تازا بەيسەنبى» ەكولوگيالىق اكتسياسى اياسىندا ۆىحدريحا اۋلىنىڭ ء«ۇبى» شيپاجايى اينالاسىنا اباتتاندىرۋ, تازالاۋ جۇمىستارىن جۇرگىزدىك. «دەنساۋلىق جولى» اۋماعىن تازارتۋ جۇمىستارى اكتسيا اياقتالعاننان كەيىن دە جالعاسىن تاباتىن بولادى. بولاشاق ۇرپاققا ايتارىمىز, جەرىمىزدى تازا ۇستاپ, ەلىمىزدى كوركەيتۋ سولاردىڭ قولىندا ەكەنىن ۇمىتپاسا ەكەن», دەيدى ء«ۇبى» شيپاجايىنىڭ ديرەكتورى ايجان مۇحاماديەۆا.
شەمونايحا اۋداندىق ءماسليحاتىنىڭ دەپۋتاتى يننا زاحاروۆانىڭ ايتۋىنشا, «Amanat» پارتياسىنىڭ قولداۋىمەن باستاۋ العان «تازا بەيسەنبى» ەكولوگيالىق اكتسياسى تۇگەل جۇرتتىڭ باسىن قوسىپ, تازالىق جولىندا جۇدىرىقتاي جۇمىلدىرعان. وسىلاي ولاردىڭ ارقايسىسى تابيعاتتىڭ تازالىعىنا ۇلكەن ۇلەس قوسىپ كەلەدى.
اينالدىرعان ءۇش-ءتورت ساعات ىشىندە شيپاجايدىڭ اۋماعى تاپ-تۇيناقتاي بولدى. بۇل اكتسيانىڭ ۇتىمدى تۇسى, جاس تا, كارى دە اينالانى لاستاماۋعا, قوقىس تاستاماۋعا داعدىلانادى.
شىعىس قازاقستان وبلىسى,
شەمونايحا اۋدانى
