تىلشىلىك تىرلىكتە قاۋىپ كوپ. سوندىقتان دەموكراتيالىق ەلدەردە ازاماتتىق قوعامنىڭ ءرولى جەكە ادامنىڭ قۇقىقتارىن جانە كاسىبي مۇددەلەردى قورعاۋدا ماڭىزدى. سول سەكىلدى, جۋرناليستەردىڭ مۇددەسىن تولىق جەتكىزە الاتىن, قورعاي الاتىن ءوز الدىنا ينستيتۋت قاجەت. بۇل رەتتە جاڭا زاڭ اياسىندا جۋرناليستەردىڭ قۇقىقتارىن قورعاۋ ماسەلەلەرى بويىنشا تاۋەلسىز قاۋىمداستىقتىڭ قۇرىلۋى تۋىنداعان پروبلەمالاردى جەدەل شەشۋگە جانە مەملەكەتپەن بىرلەسىپ جۋرناليستەردىڭ قۇقىقتارىن قورعاۋدى قامتاماسىز ەتۋ تەتىكتەرىن جەدەل ازىرلەۋگە مۇمكىندىك بەرەدى.
اسىرەسە توتەنشە جاعداي تۇسىندا ءجۋرناليستىڭ ءومىرى قىل ۇستىندە بولادى. وسى تۇستا قۇجات اياسىندا ءار جۇمىس ورنى الەمدىك جەتەكشى باق تاجىريبەسىنە ساي قاجەتتى قورعانىس قۇرالدارىمەن قامتاماسىز ەتۋگە مىندەتتەلگەنى قۇپتارلىق ءىس.
سونداي-اق قۇجات نەگىزىندە ەندى مەملەكەتتىك ەمەس باق قۇرالدارىنا گرانتتار بەرۋ, باق-تاعى ماتەريالدارعا تالاپ قويۋ مەرزىمى, باق سۇراۋلارىنىڭ بەس كۇننەن جەتى كۇنگە دەيىن قاراۋ ءتارتىبى, جۋرناليستەردىڭ ادەپ كودەكسىن بەكىتۋ تۋرالى وتكىر ماسەلەلەر ءوز شەشىمىن تابادى. وعان قوسا سۋيتسيد جاساۋ تاسىلدەرى, سۋيتسيدكە شاقىرۋ تۋرالى اقپارات تاراتۋعا تىيىم سالىنادى. شەتەلدىك باق-تىڭ وكىلدىكتەرى مەن ولاردىڭ جۋرناليستەرىن اككرەديتتەۋ ءتارتىبى دە جەتىلدىرىلدى.
مەملەكەتتىك تىلدەگى تەلە-راديو باعدارلامالاردى تاراتۋ جانە وتاندىق كونتەنت كولەمى بويىنشا تالاپتاردى 2025 جىلدان باستاپ – 55, 2027 جىلدان باستاپ تەلە-راديباعدارلامالاردىڭ جالپى كولەمىن 60 پايىزعا ۇلعايتۋ كوزدەلگەن. سايكەسىنشە, وتاندىق تەلە-راديو ارنالاردا شەتەلدىك تەلە-راديو باعدارلامالارىن رەترانسلياتسيالاۋ كولەمى 20-دان 10 پايىزعا دەيىن تومەندەتىلدى.
قانات اۋەسباي,
فيلولوگيا عىلىمدارىنىڭ كانديداتى, جۋرناليست
