فوتو:اشىق دەرەككوز
ەسكە سالايىق, 18 ماۋسىمدا باق-تا كيەۆتە ايدوس سادىقوۆقا قاستاندىق جاسالدى دەگەن حابار تاراعان بولاتىن. ۋكراينا ۇلتتىق پوليتسياسىنىڭ مالىمەتىنشە, بەلگىسىز بىرەۋ يارمولا كوشەسىندە تۇرعان كولىككە جاقىنداپ, ەر ادامعا وق اتقان. كولىكتە ەر ادامنىڭ جانىندا ايەلى بولعان, ول زارداپ شەككەن جوق.
كەيىنىرەك ا.سادىقوۆتىڭ ايەلى Facebook جەلىسىندە ەكى كۇدىكتىنىڭ ۇستالعانىن حابارلادى. ولاردىڭ ءبىرى بۇرىن قوستاناي وبلىستىق پوليتسيا دەپارتامەنتىنىڭ قىزمەتكەرى بولعان-دى. ىشكى ىستەر مينيسترلىگى كيەۆتە قازاقستان ءجۋرناليسى ايدوس سادىقوۆقا شابۋىل جاسادى دەگەن كۇدىكتىلەردىڭ ۇستالعانى تۋرالى اقپاراتقا تۇسىنىكتەمە بەردى.
«ازامات م.قاراتاەۆقا قاتىستى ونىڭ 2019 جىلدىڭ قاڭتار ايىندا ىشكى ىستەر ورگاندارىنان بوساتىلعانىن جانە قازىرگى ۋاقىتتا پوليتسيا قىزمەتكەرى ەمەس ەكەنىن حابارلايمىز. قازىر ءبىز مەملەكەت باسشىسىنىڭ تاپسىرماسىنا سايكەس ءىستىڭ بارلىق ءمان-جايىن انىقتاۋ بويىنشا ءتيىستى جەدەل ءىس-شارالار جۇرگىزىپ جاتىرمىز. وسى جۇمىستىڭ ناتيجەلەرى بويىنشا قوسىمشا اقپارات بەرىلەدى», دەلىنگەن حابارلامادا.
قىرمىزى جۇماعاليقىزى,
ەۇۋ ستۋدەنتى
