فوتو: 24.kg
قايعىلى وقيعا 20 ماۋسىم كۇنى, كەشكە بولعان. Volkswagen Jetta جۇرگىزۋشىسى ماس كۇيىندە كولىك تىزگىندەپ, رولگە يە بولا الماي توعانعا اۋدارىلعان. سالدارىنان 4-9 جاس ارالىعىنداعى 6 بالا سۋعا باتىپ, قايتىس بولدى. باقيلىق بولعاندار ءبىر وتباسىنىڭ بالالارى ەكەنى انىقتالدى.
قارا-بالتانىڭ 40 جاستاعى تۇرعىنى ايەلى جانە ءتورت بالاسىمەن بىرگە № 3 توعانعا دەمالۋعا كەلگەن. ولاردىڭ جانىندا ەر ادامنىڭ اپكەسى جانە ونىڭ دا ءتورت بالاسى بولعان.
پوليتسيا ولار دەمالۋعا كەلگەن ايماقتا شومىلۋعا تىيىم سالىنعانىن دا اتاپ ءوتتى.
توتەنشە جاعدايدان جۇرگىزۋشى, ونىڭ ايەلى, ءۇش ايلىق قىزى, ەر ادامنىڭ اپكەسى جانە ونىڭ جەتى جاسار قىزى عانا امان قالعان. جۇرگىزۋشىدەن وزگەلەرى اۋرۋحاناعا جەتكىزىلگەن.
ال رولدەگى ادام تەرگەۋگە الىنىپ, قاماۋدا وتىر.
