سپورت • 18 ماۋسىم, 2024

فۋتبول: دەرەك پەن دايەك

120 رەت

كورسەتىلدى

3 مين

وقۋ ءۇشىن

ەۋروپا چەمپيوناتىنىڭ تۇساۋكەسەر باسەكەلەرى بۇعان دەيىن مىناداي ەسەپتەرمەن اياقتالعان ەدى: 1960 جىل: فرانتسيا – يۋگوسلاۆيا 4:5, 1964 جىل: يسپانيا - ماجارستان 2:1 (قوسىمشا ۋاقىت), 1964 جىل: يتاليا – كسرو 0:0, 1972 جىل: بەلگيا – گفر 1:2, 1976 جىل: چەحوسلوۆاكيا – نيدەرلاند 3:1 (قوسىمشا ۋاقىت) پەن يۋگوسلاۆيا – گفر 2:4 (قوسىمشا ۋاقىت), 1980 جىل: چەحوسلوۆاكيا – گفر 0:1, 1984 جىل: فرانتسيا – دانيا 1:0, 1988 جىل: فرگ – يتاليا 1:1, 1992 جىل: شۆەتسيا – فرانتسيا 1:1, 1996 جىل: انگليا – شۆەيتساريا 1:1, 2000 جىل: بەلگيا – شۆەتسيا 2:1, 2004 جىل: پورتۋگاليا – گرەكيا 1:2, 2008 جىل: شۆەيتساريا – چەحيا 0:1, 2012 جىل: پولشا – گرەكيا 1:1. 2016 جىل: فرانتسيا – رۋمىنيا 2:1 جانە 2020 جىل: تۇركيا – يتاليا 0:3.

عالىم سۇلەيمەن

فوتو: news.sportbox.ru

«ەۋرو-2024» ءتۋرنيرىنىڭ تۇساۋكەسەر كەزدەسۋىندە گەرمانيا قۇراماسىنىڭ جارتىلاي قورعاۋشىسى توني كروسس ارىپتەستەرىنە 102 رەت پاس بەردى. سونىڭ 101-ءى ولارعا ءدال جەتتى. بۇل – 99 پايىزدىق كورسەتكىش! ءسويتىپ, 1980 جىلدان بەرگى كەزەڭدى ەسەپكە الساق, سول ۋاقىتتان بەرى ءوتىپ جاتقان قارت قۇرلىقتىڭ باستى دوپ دوداسىنىڭ جاڭا رەكوردتىق كورسەتكىشى تىركەلدى.

اتالعان جارىستا ونەر كورسەتەتىن ەڭ جاس فۋتبولشىلاردىڭ ءتىزىمىن لامين يامال باستاپ تۇر. يسپانيانىڭ ۇلتتىق قۇراماسى مەن «بارسەلونانىڭ» ۆينگەرى 13 شىلدەدە 17 جاسقا تولادى. سودان كەيىنگى ورىنداردا – لەو زاۋەر (سلوۆاكيا, «فەينوورد») مەن ۆاررەن زاير-ەمەرري (فرانتسيا, پسج). ولاردىڭ ەكەۋى دە 17 جاستاعى جاس جۇلدىزدار.

گەرمانيادا ءوتىپ جاتقان تۋرنيردەگى ارداگەر ويىنشىلاردىڭ الدىڭعى لەگىندە پەپە تۇر. پورتۋگاليا قۇراماسى مەن «پورتۋ» كلۋبى قورعاۋشىسىنىڭ جاسى 41-دە. ول 1983 جىلدىڭ 26 اقپانىندا تۋدى. ءدال سول مەملەكەتتىڭ ماقتانىشى ءارى الەمدىك فۋتبولدىڭ شوق جۇلدىزى كريشتيانۋ رونالدۋ مەن حورۆاتيانىڭ مارقاسقاسى لۋكا مودريچ 1985 جىلدىڭ تۋمالارى. رونالدۋ 5 اقپاندا, مودريچ 9 قىركۇيەكتە دۇنيەگە كەلدى. 39 جاسقا كەلسە دە, جاسىل الاڭدا جاسىنداي جارقىلداپ جۇرگەن وسىنداي ويىنشىلاردىڭ ونەرىنە تامسانباۋ مۇمكىن ەمەس.

انگليانىڭ فۋتبول فەدەراتسياسى وتانداستارى «ەۋرو-2024» جارىسىنىڭ جەڭىمپازى اتانعان جاعدايدا كومانداعا 11,3 ميلليون ەۋرو كولەمىندە بونۋس بەرەتىنىن جاريا ەتتى. ال ۇلتتىق قۇرامانىڭ باس باپكەرى گارەت ساۋتگەيتتىڭ ەسەپشوتىنا بىردەن 4,7 ميلليون ەۋرو اۋدارىلادى.