فوتو: ا.بايجۇمانوۆ
«عىلىم جانە تەحنولوگيالىق ساياسات تۋرالى» جانە وعان ىلەسپە «قازاقستاننىڭ كەيبىر زاڭنامالىق اكتىلەرىنە عىلىم جانە تەحنولوگيالىق ساياسات, پلاتفورمالىق جۇمىسپەن قامتۋ جانە مەملەكەتتىك باقىلاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭداردا عىلىمدى باسقارۋ ۇلگىسىن جەتىلدىرۋگە, عىلىم قورىنىڭ قىزمەتىن رەتتەۋگە, ۇلتتىق عىلىم اكادەمياسىنىڭ قۇقىقتىق مارتەبەسىن ايقىنداۋعا باعىتتالعان قۇقىقتىق ەرەجەلەر كوزدەلىپ وتىر. زاڭداردا ودان باسقا عىلىمي ينفراقۇرىلىمنىڭ نەگىزگى ەلەمەنتتەرى, عىلىمي ۇيىمداردى قارجىلاندىرۋ ءتارتىبى, عىلىمي جانە عىلىمي-تەحنيكالىق قىزمەت سۋبەكتىلەرىنە ولاردىڭ عىلىمي جانە عىلىمي-تەحنيكالىق قىزمەتىنىڭ ناتيجەسىن كوممەرتسيالاندىرۋ باعدارلامالارىن ىسكە اسىرۋعا جاردەمدەسۋ شارالارى ايقىندالادى.
پارلامەنتشىلەر «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» قر-نىڭ كودەكسىنە (سالىق كودەكسى) جانە «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» قر-نىڭ كودەكسىن (سالىق كودەكسى) قولدانىسقا ەنگىزۋ تۋرالى» قر-نىڭ زاڭىنا وزگەرىستەر مەن تولىقتىرۋلار ەنگىزۋ تۋرالى» قر-نىڭ زاڭىن دا قارادى. قۇجات عىلىمدى دامىتۋ ءۇشىن قولايلى جاعداي جاساۋعا, عىلىمي-زەرتتەۋ, عىلىمي-تەحنيكالىق جانە تاجىريبەلىك-كونسترۋكتورلىق جۇمىستارعا, عىلىمي جانە عىلىمي-تەحنيكالىق قىزمەت ناتيجەسىن كوممەرتسيالاندىرۋ جوباسىنا بەرىلەتىن جەكە ينۆەستيتسياعا سالىقتىق جانە ينۆەستيتسيالىق پرەفەرەنتسيالار بەرۋگە باعىتتالعان.
سەناتورلاردىڭ ايتۋىنشا, زاڭداردى قابىلداۋ عىلىمنىڭ ەكونوميكانى دامىتۋعا قوسقان ۇلەسىن جاقسارتۋعا جانە ەلدىڭ عىلىمي الەۋەتىن ارتتىرۋعا ىقپال ەتەدى.
كوميتەت مۇشەلەرى تالقىلاۋ قورىتىندىسى بويىنشا زاڭداردى پالاتا وتىرىسىندا قاراۋعا جىبەرۋ تۋرالى شەشىم قابىلدادى.
