فوتو: Egemen Qazaqstan/ەرلان وماروۆ
ءمينيستردىڭ ايتۋىنشا, مەكتەپتەردە 4 ءپان بويىنشا جالپى 38 ساباق قاۋىپسىزدىك تاقىرىبىنا ارنالعان. سونىمەن قاتار بيىلعى وقۋ جىلىندا 2 327 ءتيىستى سىنىپ ساعاتى ۇيىمداستىرىلدى.
«جاز مەزگىلىندە بارلىق وڭىرلەردە مەملەكەتتىك ورگاندار مەن اكىمدىكتەر وكىلدەرىنىڭ بىرلەسكەن مونيتورينگتىك توپتارى قۇرىلدى. مونيتورينگ توپتار سۋ قويمالارىنىڭ جانىندا ورنالاسقان قالا سىرتىنداعى 31 لاگەرلەر مەن 127 باسسەيندەردى قاۋىپسىزدىك تۇرعىسىنان زەردەلەدى, ولارعا سانيتارلىق باقىلاۋ كۇشەيتىلدى. جازعى دەمالىستى ۇيىمداستىرۋشىلارعا ارنالعان بالالار قاۋىپسىزدىگىن قامتاماسىز ەتۋ تاقىرىبىندا رەسپۋبليكالىق 3 سەمينار-كەڭەس وتكىزىلدى», دەدى ۆەدومستۆو باسشىسى
ال, جاڭا وقۋ جىلىنان باستاپ بارلىق مەكتەپتەردە 1-11 سىنىپ وقۋشىلارىنا, سىنىپ ساعاتتارى اياسىندا اپتا سايىنعى قاۋىپسىزدىك ساباقتارى ەنگىزىلەدى.
بۇدان بولەك بيىل وسى تاقىرىپتا سىنىپتان تىس 1852 ينتەراكتيۆتى اشىق ساباق جانە 1162 وقۋ-جاتتىعۋ وتكىزىلدى.
بۇگىندە ءبىلىم بەرۋ ۇيىمدارىندا 10476 قاۋىپسىزدىك بۇرىشتارى ورناتىلعان, 2800 «جاس قۇتقارۋشى» ۇيىرمەلەرى جۇمىس ىستەيدى.
«جالپى جازاتايىم وقيعالاردىڭ 95% شومىلۋعا تىيىم سالىنعان جەرلەردە بولادى. وسىعان بايلانىستى مەملەكەتتىك ورگاندار مەن اكىمدىكتەر سۋعا تۇسۋگە تىيىم سالىنعان جانە رۇقسات ەتىلگەن ورىنداردىڭ ءتىزىمىن جاڭارتىپ, قۇتقارۋ كەزەكشىلىگىن ۇيىمداستىرىپ, ەسكەرتۋ بەلگىلەرىن ورناتۋ جۇمىستارىن كۇشەيتۋى قاجەت», دەدى عاني بەيسەمباەۆ.
