پالاتا ءبىرىنشى وقىلىمدا سوت جۇيەسىن رەفورمالاۋ جانە پروتسەستىك زاڭنامانى جەتىلدىرۋ ماسەلەلەرى بويىنشا زاڭنامالىق تۇزەتۋلەردى تالقىلايدى. ءتيىستى زاڭ جوباسىن پارلامەنت دەپۋتاتتارى مەملەكەت باسشىسىنىڭ تاپسىرمالارىن ورىنداۋ ماقساتىمەن ازىرلەدى. جاڭا رەداكتسياعا سايكەس جوعارعى سوتتىڭ ءرولى وزگەرىپ, ونىڭ نەگىزگى ماقساتى سوت تاجىريبەسىن ناقتىلاۋ جانە بىركەلكى قامتاماسىز ەتۋ بولادى. سوت تورەلىگىن تەك جەرگىلىكتى جانە كاسساتسيالىق سوتتار عانا جۇزەگە اسىرادى. وسىعان بايلانىستى قىلمىستىق-پروتسەستىك, ازاماتتىق-پروتسەستىك جانە اكىمشىلىك راسىمدىك-پروتسەستىك كودەكستەرىنە وزگەرىستەر ەنگىزىلەدى.
سونداي-اق ەرەكشە قورعالاتىن تابيعي اۋماقتاردى پايدالانعانى ءۇشىن تولەم الۋ ءتارتىبىن جەتىلدىرۋ تۋرالى زاڭ جوباسى مەن سالىق كودەكسىنە ەنگىزىلەتىن ىلەسپە تۇزەتۋلەردى ءبىرىنشى وقىلىمدا قاراۋ ۇسىنىلادى.
كۇن تارتىبىندە بىرىككەن ۇلتتار ۇيىمى مەن قازاقستان اراسىنداعى تسيفرلىق ينكليۋزيا جانە ترانسفورماتسيا جونىندەگى ازيا-تىنىق مۇحيتى مينيسترلەرىنىڭ كونفەرەنتسياسىن ۇيىمداستىرۋ تۋرالى كەلىسىمدى راتيفيكاتسيالاۋ تۋرالى زاڭ جوباسى دا بار.
بۇدان بولەك, ءماجىلىس كوميتەتتەرى قازاقستان-قاتار اراسىنداعى اسكەري ىنتىماقتاستىعى تۋرالى كەلىسىمدى راتيفيكاتسيالاۋ جوباسى, گازبەن جابدىقتاۋ جانە تاۋارلىق گازدى ۇنەمدى تۇتىنۋعا قاتىستى زاڭ جوبالارىن جۇمىسقا الادى.
