سوعان سايكەس الداعى بەيسەنبىدە پالاتا دەپۋتاتتارى «تۇركى مەملەكەتتەرى ۇيىمىنا مۇشە مەملەكەتتەردىڭ ۇكىمەتتەرى اراسىنداعى حالىقارالىق قۇرامداستىرىلعان جۇك تاسىمالدارى تۋرالى كەلىسىمدى راتيفيكاتسيالاۋ تۋرالى» جانە «قازاقستان رەسپۋبليكاسىنىڭ ۇكىمەتى مەن قىتاي حالىق رەسپۋبليكاسىنىڭ ۇكىمەتى اراسىنداعى حالىقارالىق اۆتوموبيل تاسىمالدارى تۋرالى كەلىسىمدى راتيفيكاتسيالاۋ تۋرالى» زاڭداردى قارايدى. بۇل زاڭدار كولىكتىڭ ءارتۇرلى تۇرلەرىن پايدالانا وتىرىپ, حالىقارالىق جۇك تاسىمالداۋ راسىمدەرىن جەڭىلدەتۋدى جانە مەملەكەتتەر اراسىنداعى ساۋدا-ەكونوميكالىق قاتىناستاردى دامىتۋدى كوزدەيدى.
سونىمەن قاتار سەناتورلار «قازاقستان رەسپۋبليكاسىنىڭ ۇكىمەتى مەن قىتاي حالىق رەسپۋبليكاسىنىڭ ۇكىمەتى اراسىنداعى ترانسكاسپي حالىقارالىق كولىك باعىتىن دامىتۋ جونىندەگى كەلىسىمدى راتيفيكاتسيالاۋ تۋرالى» جانە «قازاقستان رەسپۋبليكاسىنىڭ ۇكىمەتى مەن قىتاي حالىق رەسپۋبليكاسىنىڭ ۇكىمەتى اراسىنداعى ترانسكاسپي حالىقارالىق كولىك باعىتىن, ونىڭ ىشىندە قىتاي – ەۋروپا قاتىناسىنداعى كونتەينەرلىك پويىزدار ءۇشىن دامىتۋ جونىندەگى كەلىسىمدى راتيفيكاتسيالاۋ تۋرالى» زاڭداردى قارايدى. اتالعان قۇجاتتاردىڭ نورمالارى قازاقستان رەسپۋبليكاسى مەن قىتاي حالىق رەسپۋبليكاسى اراسىنداعى ترانزيتتىك-كولىكتىك الەۋەتتى جانە ساۋدا-ەكونوميكالىق قاتىناستاردى ودان ءارى نىعايتۋعا, سونداي-اق, ترانسكاسپي حالىقارالىق كولىك باعىتى بويىنشا مۋلتيمودالدى تاسىمالداردى دامىتۋ ءۇشىن اۆتوموبيل, تەڭىز جانە تەمىرجول كولىگى تۇرلەرىنىڭ ارتىقشىلىقتارىن ءتيىمدى پايدالانۋ ءۇشىن قولايلى جاعداي جاساۋعا ارنالعان.
بۇدان بولەك, پالاتا وتىرىسىندا «قازاقستان رەسپۋبليكاسىنىڭ ۇكىمەتى مەن قىتاي حالىق رەسپۋبليكاسىنىڭ ۇكىمەتى اراسىنداعى مادەني ورتالىقتاردى ءوزارا قۇرۋ تۋرالى كەلىسىمدى راتيفيكاتسيالاۋ تۋرالى» زاڭ قارالادى. زاڭ ەكى مەملەكەت اراسىنداعى مادەني-گۋمانيتارلىق ىنتىماقتاستىقتى نىعايتۋدى كوزدەيدى.
سونداي-اق «مەملەكەتتiك ساتىپ الۋ تۋرالى» زاڭ مەن وعان ىلەسپە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ساتىپ الۋ جانە ارتىق زاڭنامالىق رەگلامەنتتەۋدى بولعىزباۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» جانە «قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنە وزگەرىستەر مەن تولىقتىرۋلار ەنگىزۋ تۋرالى» زاڭدار دا سەنات وتىرىسىنىڭ كۇن تارتىبىنە شىعارىلدى.
بەيسەنبىدەگى وتىرىستا «عىلىم جانە تەحنولوگيالىق ساياسات تۋرالى», «قر كەيبىر زاڭنامالىق اكتىلەرىنە عىلىم جانە تەحنولوگيالىق ساياسات, پلاتفورمالىق جۇمىسپەن قامتۋ جانە مەملەكەتتىك باقىلاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» جانە «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» كودەكسكە (سالىق كودەكسى) جانە «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» كودەكسكە (سالىق كودەكسى) قولدانىسقا ەنگىزۋ تۋرالى» زاڭعا وزگەرىستەر مەن تولىقتىرۋلار ەنگىزۋ تۋرالى» زاڭدار ەكىنشى وقىلىمدا قارالادى.
سونىمەن بىرگە دەپۋتاتتار قازاقستان رەسپۋبليكاسىنىڭ ورنىقتى دامۋ سالاسىنداعى ۇلتتىق ماقساتتارى مەن مىندەتتەرىنىڭ ىسكە اسىرىلۋىنا مونيتورينگ جۇرگىزۋ جونىندەگى پارلامەنتتىك كوميسسيانىڭ قۇرامىنا سەناتورلاردى سايلاۋ تۋرالى ماسەلەنى قارايدى. بيۋرو وتىرىسىندا ماجىلىستەن كەلىپ تۇسكەن زاڭدار جۇمىس ءۇشىن تۇراقتى كوميتەتتەرگە ءبولىنىپ بەرىلدى.
