فوتو: primeminister.kz
اقپاراتتىق جۇيەگە ءتورت مودۋل كىرەدى: دەرەكتەردى جيناۋ, تالداۋ, بولجاۋ جانە مودەلدەۋ. ول «قازاقستان عارىش ساپارى», «قازگيدرومەت», «ۇلتتىق گەودەزيا جانە كەڭىستىكتىك اقپارات ورتالىعىنىڭ» جەدەل جانە كوپجىلدىق دەرەكتەرىن پايدالانادى.
سونداي-اق جۇيە سۋ تاسقىنى, سەل, كوشكىن قاۋپى بار ۋچاسكەلەر مەن گيدروتەحنيكالىق قۇرىلىستار بويىنشا تجم دەرەكتەر بازاسىمەن بىرىكتىرىلەدى.
تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى ەۋروپالىق جەردى قاشىقتان زوندتاۋ باعدارلاماسىن قولدانۋدى ۇسىندى. سونىمەن قاتار ۆيتسە-پرەمەر وتاندىق تسيفرلىق شەشىمدەردى قاراستىرۋدى تاپسىردى.
بۇعان قوسا, اۋقىمدى دەرەكتەر كوزىن قالىپتاستىرۋ ءۇشىن ۆيتسە-پرەمەر گيدرو جانە مەتەوپوستاردىڭ سانىن كوبەيتۋدى, سۋ ايدىندارى مەن وزەندەردىڭ باتيمەترياسىن جۇرگىزۋدى, سونداي-اق سۋ تاسقىنى قۇبىلىستارى ءجيى بولاتىنى ەلدى مەكەندەردىڭ «تسيفرلىق رەلەفىن» قۇرۋدى تاپسىردى.
