فوتو: قر ءسىم
1990 جىلى «نەۆادا-سەمەي» اياسىندا تانىسقان ساتتەن ىزگىلىك پەن ۇلتجاندىلىق, پاراسات پەن ادامسۇيگىشتىك ۇلگىسىن كورسەتىپ كەلگەن اسىل اعامەن ءار كەزدەسۋ قۇندى ەدى.
ارمانداس بولعان الىپ ابىز تورەگەلدى شارمانوۆپەن سىيلاستىعى زيالىلار ۇندەستىگىنىڭ ۇلگىسى بولدى.
ءساتىمجان سانباەۆ, مارات سەمبين, ولجاس ومار ۇلى سەكىلدى دوستارىمەن سۇحباتتاسۋ باقىتى بۇيىرىپ, ولاردىڭ مۇرات مۇحتار ۇلى تۋرالى پىكىرلەرىن تىڭداعاندا ۇلت مۇددەسى ءۇشىن جاستايىنان جاسامپازدىقپەن كۇرەسكەن, دانالىق پەن ازاماتتىق ءبىر بويىندا توعىسقان تۇلعانىڭ بيىكتىگى ايشىقتالا تۇسەتىن.
مۇرات مۇحتار ۇلى تەرەڭ ءبىلىم مەن جوعارى مادەنيەتتى ىستىق قايرات, نۇرلى اقىل, جىلى جۇرەكپەن ۇشتاستىرۋدىڭ ۇلگىسى بولدى.
جۇما سايىن ىزگى تىلەگىن جولداپ تۇرۋشى ەدى, ۇلىق قۇربان ايت قارساڭىنداعى قاسيەتتى جۇما كۇنى ماڭگىلىككە اتتاندى.
ۇلى ازاماتتىڭ مۇراسى, قايراتكەرلىگى, زيالىلىعى, پاراساتى ۇلتپەن بىرگە جاساي بەرەدى.
ءاليحان بايمەنوۆ,
قوعام قايراتكەرى
