فوتو: aikyn.kz
قوعامدى, حالىقتى, مەملەكەتتى العا سۇيرەپ, مادەنيەتىن ورىستەتەتىن مۇراتتاي ازاماتتاردىڭ كەڭەس وكىمەتى كەزىندە تۋى – ۇلتتىڭ جەتىستىگى مەن باقىتى دەر ەدىم. مۇنداي ازاماتتارسىز حالىق تا, ۇلت تا تەڭەلىپ, قاتارعا قوسىلۋى ەكىتالاي ەدى. قازاق تاريحىندا حح عاسىر ەڭ اۋىر دا مەحناتتى, الماعايىپ زامان بولدى. قۇرىپ كەتە جازدادىق. 1916 جىلدان, كەڭەس وكىمەتى ورناعاننان باستاپ, ۇجىمداستىرۋ قاسىرەتىن ايتىپ تاۋىسۋ مۇمكىن ەمەس. ءبارى – قولدان جاسالعان قاستاندىق. قانشاما اشتىق پەن تارشىلىق, قولدان قىرىپ جىبەرۋ ارەكەتتەرى... ول از بولعانداي, 1937–1938 جىلعى قاندى قىرعىن كۇتىپ تۇردى الاش كوشباسشىلارىن. ول قىرعىن مەن زۇلمات سوعىستان كەيىن دە تىيىلماعانىن كەڭەس زامانىندا «جاس تۇلپاردى» قۇرعان ستۋدەنت مۇرات اۋەزوۆ ايتا العانىنىڭ ءوزى ەرلىككە پارا-پار. مۇرات الگىندەي قاستاندىقتار مەن قىزىل قىرعىندى تىگىسىن جاتقىزا ايتىپ قانا قويعان جوق, سونداي ادىلەتسىزدىككە قارسى كۇرەسە دە ءبىلدى. الماتىدا نەگە جالعىز-اق قازاق مەكتەبى, رەسپۋبليكادا قازاقتىڭ ۇلەسى نەگە وتىز-اق پايىز دەگەن سۇراقتاردى توتەسىنەن قويۋى – ول زاماندا باس كەتەتىن ءىس. مادەني مايدانداعى ماڭىزدى وزگە دە ەڭبەكتەرىن تىزبەسەك تە, مىنە, ۇلت قانداي تۇلعاسىنان كوز جازىپ وتىر... مۇراتتىڭ قازاسىنا بايلانىستى قازاق حالقىنا كوڭىل ايتامىن.
مارات سەمبى,
«جاس تۇلپار» ۇيىمىنىڭ مۇشەسى, دوسى
