تۋعان ۇلتىنان قانى مەن جانىن اياماۋ, تۇلا بويىنداعى كيەلى دارىنىن تۋعان ەلىنە قالتقىسىز جۇمساۋ – تامىرى تەرەڭگە تارتقان ۇلى ادامدارعا عانا ءتان سيپات, جاراتقان بويعا دارىتقان قاسيەت!
ۇلى مۇحتاردىڭ, ۇلى مۇراتتىڭ بويىنداعى گەنەتيكالىق كودى, تەگى – ادامزات جاراتىلىسىنىڭ ەرەكشە قۇبىلىسى.
ءسوز الداسپانىمەن قارا قىلدى قاق جارىپ, ءار ءسات سايىن ءتىرى اڭىزعا اينالعان اۋەزوۆتەردىڭ بۇكىل ءومىرى قازاعىم دەپ ءوتتى, ۇلتىنا رۋحاني التىن قازىق بولۋمەن ءوتتى.
قىرعىز ءۇشىن اۋەزوۆتەردەي كۇيگەن, قىرعىزعا اۋەزوۆتەردەي جاقىن, ءبىر تامىر بولىپ بۇلكىلدەگەن, ءبىر جان بولىپ جاساعان, ءبىر قان بولىپ اققان ادام ىلۋدە بىرەۋ.
جانۇرانى – ۇلى دالا, ۇلى جۇرت –قازاق ەدى.
جانۇرانى – قۇستىڭ قوس قاناتىنداي, توننىڭ ىشكى باۋىنداي, ەكىنىڭ ءبىرى, ەگىزدىڭ سىڭارىنداي جاقىنى قىرعىز ەدى.
14 ماۋسىمدا ۇلى ادامنىڭ ۇرپاعى, اتا مۇراسىن, اتا قاسيەتىن قاستەرلەپ ساقتاپ كەلگەن مۇرات اۋەزوۆ, مۇرات اعامىز, مۇرات ۇستازىمىز دۇنيە سالدى…
ۇلى اقيقاتقا قاراي جول تارتتى…
«مۇرات اعا, قوش!» دەۋگە جۇرەك شىداماي, امال جوق قينالىپ تۇرعان شاعىمىز بۇل.
ءسىز بۇل ومىردە اقيقاتتى ءسۇيدىڭىز, شىندىقتى تۋ ەتتىڭىز!
وسى كيەلى قاسيەتپەن ماڭگىلىك شىندىققا قاراي بەت تۇزەدىڭىز... رۋح ساپارىڭىز ۇزاق بولعاي.
قوش, مۇرات اعا!..
سۇلتان راەۆ,
تۇركسوي حالىقارالىق ۇيىمىنىڭ باس حاتشىسى, قىرعىز جازۋشىسى
