مەموراندۋم - ەكى تاراپ اراسىنداعى ۇزاق مەرزىمدى جەمىستى ىنتىماقتاستىق ناتيجەسى. كورەياداعى استانا مەملەكەتتىك قىزمەت حابى ورتالىعى قىزمەتى ىنتىماقتاستىق شەكارالارىن كەڭەيتۋگە, سونداي-اق مەملەكەتتىك قىزمەت سالاسىنداعى وزىق تاجىريبەلەردى تاراتۋعا باعىتتالادى.
تاراپتار وسى كەلىسىم ەكى ەلدىڭ دە وركەندەۋى ماقساتىندا مەملەكەتتىك قىزمەتتىڭ ءتيىمدى دامۋىنا ىقپال ەتەتىن جاڭا كەزەڭ بولاتىنىن اتاپ ءوتتى. بۇل باستاما پەرسونالدى باسقارۋ سالاسىندا يننوۆاتسيالاردى ەنگىزۋ مەن حالىقارالىق ىنتىماقتاستىقتى نىعايتۋدى قامتاماسىز ەتە وتىرىپ, جاڭا پەرسپەكتيۆالارعا جول اشادى.
مەموراندۋمعا قول قويا وتىرىپ, اليحان بايمەنوۆ حاب «مينيسترلىكتىڭ كورەيادا حاب ورتالىعىن قۇرۋ تۋرالى باستاماسىن, ءبىر جاعىنان ءبىزدىڭ اتقارعان جۇمىسىمىزعا, ەكىنشى جاعىنان حابتىڭ مەملەكەتتىك قىزمەت سالاسىنداعى حالىقارالىق ىنتىماقتاستىقتى ودان ءارى دامىتۋ الەۋەتىنە بەرىلگەن جوعارى باعا» دەپ قاراستىراتىنىن ايتتى.
