قوعامعا قاۋىپ توندىرمەيدى

كەزدەسۋدە «Gedeon richter kz» سەرىك­تەس­تىگىنىڭ PR-مە­نەد­جەرى دينارا بىرماعان­بەتوۆا مەن مەديامە­نەدجەر نازىم جانعازى كوم­پانيانىڭ باستاماسىمەن اس­تانا, الماتىدا جۇرگىزگەن ساۋال­ناما ناتيجەسىن جاريا ەتتى. ساۋال­ناماعا ۇزىن-سانى جۇزدەگەن ادام قاتىسقان. ولار – شامامەن 18 بەن 65 جاس شاماسىنداعى قالا تۇرعىندارى. وسى تۇرعىنداردىڭ 13%-ى دەرت تۋرالى بۇرىن-سوڭدى ەس­تى­گەنمەن, تولىققاندى حابارى جوق ەكەن. ال تۇرعىنداردىڭ 28%-ى شيزوفرەنيا دياگنوزى قويىلعان ناۋقاستاردى قوعامنان الشاقتاتۋ كەرەك دەپ سانايدى.

«ساۋالناما ناتيجەسىندە مۇنداي پسيحيكالىق اۋىتقۋ­لارمەن بەتپە-بەت كەلمەگەن تۇر­عىندار دەرت تۋرالى بىلە بەرمەي­دى دەگەن قورىتىندى جاساۋعا بولادى. وففلاين ساۋالناما قو­رىتىندىسى شيزوفرەنيا تۋرالى اقپاراتتان بەيحابار ادام­داردىڭ جاس ساناتىندا عانا ەمەس, تۇرعىلىقتى جەرى مەن تىلىنە دە ايىرماشىلىق بارىن كورسەتتى. مىسالى, استانا تۇر­عىندارىنا قاراعاندا الماتى جۇرتشىلىعى بۇل دەرت تۋرالى كوبىرەك بى­لە­دى», دەيدى «Gedeon richter kz» PR-مەنەدجەرى دينارا بىر­ما­عان­بەتوۆا.

 ساۋالناماعا قاتىسقان رەس­پوندەنتتەردىڭ 87%-ى شيزو­فرە­نيانىڭ نە ەكەنىن بىلە­دى, 48%-ى بۇل اۋرۋمەن اۋى­را­تىن­داردىڭ قوعامعا قاۋىپتى دەپ ەسەپتەمەيدى. سول سەكىلدى سا­ۋال­ناماعا قاتىسقان تۇرعىن­داردىڭ 67%-ى شيزوفرەنيا دياگنوزى قويىلعان ادامداردى وقشاۋلاۋ قاجەت دەگەن پىكىرمەن مۇلدە كەلىسپەيدى.

باسقوسۋدا استانا قالالىق قوعامدىق دەنساۋلىق ساقتاۋ باس­قارماسىنىڭ شتاتتان تىس باس پسيحياترى ەلەنا پوليەنكو تاجىريبەسىن ءبولىسىپ, شيزو­فرە­نياعا قاتىستى ساۋالدارعا جاۋا­پ بەردى.

«ەلدە 47 مىڭعا جۋىق ادامعا شيزوفرەنيا دياگنوزى قو­يىلعان. ارينە, بۇل – تۇراقتى باقىلاۋدى جانە ۇزاقمەرزىمدى تەراپيانى قاجەت ەتەتىن وتە اۋىر پسيحيكالىق اۋىتقۋ. بىراق قازىرگى دامىعان مەديتسينادا ءتاۋىر ناتيجەلەرگە قول جەتكىزۋگە بولادى. كەيبىر پاتسيەنتتەردىڭ جەكە جانە الەۋمەتتىك قىزمەتىن مۇم­كىندىگىنشە قالپىنا كەل­تىرىپ, ءومىر ءسۇرۋ ساپاسىن جاقسارتا الاتىن زاماناۋي انتيپسيحوتيكالىق پرەپاراتتار بار. شيزوفرەنياعا شالدىققان ادامداردىڭ كەم دەگەندە ۇشتەن ءبىرى دۇرىس تەراپيا­مەن سيمپتومداردىڭ تولىق رەميسسياسىن سەزىنەدى. سوندىقتان شيزوفرەنياعا شالدىققان ادامدار قوعامعا قاۋىپ توندىرمەيدى دەپ سەنىممەن ايتا الامىز», دەيدى ەلەنا پوليەنكو ءسوزىن تۇيىندەپ.

دۇنيەجۇزىلىك دەنساۋلىق ساقتاۋ ۇيىمىنىڭ مالىمەتتەرى بويىنشا شيزوفرەنيا شامامەن 24 ميلليون ادامعا نەمەسە دۇنيە جۇزىندە 300 ادامنىڭ بىرىنە (0,32%) اسەر ەتەدى. ەلى­مىزدە شيزوفرەنيانىڭ تارالۋ دەڭگەيى حالىقتىڭ 0,6-0,7% جانە ەلدەگى بارلىق پسي­حيكالىق اۋىتقۋى بار ناۋ­قاستاردىڭ 19%-ىن قۇرايدى.

بۇل جولى كەزدەسۋدى ۇيىم­داستىرۋعا «Niettes» پلاتفورماسى مەن «Gedeon richter kz» سەرىكتەستىگى سەبەپشى بولدى. اتالعان كومپانيا ازاماتتاردىڭ پسيحيكالىق دەنساۋلىعىنا قامقورلىق جاساۋ ەڭ ماڭىزدى باعىتتارىنىڭ ءبىرى ەكەنىن ەسكە سالادى. اتاپ ايتقاندا, «Gedeon Richter»-ءدىڭ ستراتەگيالىق ماق­ساتى – وسى سەگ­مەنتتەگى ءونىم اسسور­تيمەنتىن كەڭەيتۋ.

ء«بىز ورتالىق جۇيكە جۇيەسى سالاسىنداعى تۇپنۇسقا زەرتتەۋ­لەرگە ەرەكشە كوڭىل بولەمىز. ويت­كەنى كومپانيا شىعىس جانە ورتالىق ەۋروپاداعى ەڭ ءىرى بيو­حيميالىق ونىمدەردى ازىرلەۋگە بەلسەندى قاتىسادى. وسىلايشا, ءبىز شىعاراتىن دارىلىك ءونىم – بۇل شيزوفرەنيانىڭ ساندىراق نەمەسە گالليۋتسيناتسيا سياقتى بەلگىلەرىن عانا ەمەس, سونىمەن بىرگە كەڭ تارالعان كىشى بەلگىلەرى – اپاتيانى, انگەدونيانى جانە موتيۆاتسيانىڭ تومەندەۋىن ەم­دەۋ­دە تيىمدىلىگى دالەلدەنگەن جالعىز انتيپسيحوتيكالىق ءدارى», دەيدى «Gedeon richter kz» باس ديرەكتورى پاۆەل حەگاي.

ماماندار شيزوفرەنياعا شالدىققان ءاربىر ناۋقاسقا قولداۋ قاجەت دەپ سانايدى. ولار­دىڭ قو­عامنان الشاقتاپ, نازاردان تىس قالماۋىنا ارقايسىمىز ۇلەس قوسا الامىز. ويتكەنى تالاي جىلدان بەرى سالانى زەرتتەپ-زەردەلەپ كەلە جاتقان بىلىكتى دارىگەرلەر شي­زوفرەنيا دياگنوزى قويىلعان ناۋ­قاستاردان قورقۋدىڭ قاجەتى جوق ەكەنىن ەسكەرتەدى.

جانيا ءابىل,

ل.ن.گۋميلەۆ اتىن­داعى ەۋرازيا ۇلتتىق ۋنيۆەر­سيتەتىنىڭ 2-كۋرس ستۋدەنتى