فوتو: vlast.kz
«كورەيا مەن قازاقستان 1992 جىلى ديپلوماتيالىق قاتىناس ورناتقالى بەرى ەتەنە ىنتىماقتاستىق بايلانىستى دامىتىپ كەلەدى. ديپلوماتيالىق قاتىناس باستالعان ساتتەن بەرى ەكى ەل اراسىنداعى ساۋدا كولەمى 500 ەسەدەن استام ۇلعايدى. ناتيجەسىندە, قازاقستان كورەيانىڭ ورتالىق ازيا وڭىرىندەگى ەڭ ءىرى ساۋدا جانە ينۆەستيتسيا سەرىكتەسىنە اينالدى», دەدى كورەيا پرەزيدەنتى.
ونىڭ ايتۋىنشا, ەكى ەل اراسىنداعى ىنتىماقتاستىقتىڭ سەرپىندى كەڭەيۋىنە قوس مەملەكەتتىڭ ءبىرىن-ءبىرى تولىقتىرۋشى ونەركاسىپتىك قۇرىلىمعا يە بولۋىن, ال بەرىك سەنىمدى قارىم-قاتىناستارعا ارالاس تسيكلدى قاراباتان جەس جانە ۇلكەن الماتى اينالما اۆتوموبيل جولى ء(ۇاااج) سياقتى ورتاق تابىستاردى مىسالعا كەلتىرۋگە بولادى.
«ەكى ەل اراسىنداعى ەكونوميكالىق ىنتىماقتاستىقتى قولداۋدىڭ ينستيتۋتسيونالدىق بازاسى وتكەن جىلى ساۋدا مەن ينۆەستيتسيالاردى ىلگەرىلەتۋ تۋرالى نەگىزدەمەلىك كەلىسىمگە (TIPF) قول قويۋ ارقىلى كۇشەيتىلدى. بۇل ساپار ماڭىزدى مينەرالدار, وڭدەۋ ونەركاسىبى جانە ينفراقۇرىلىم سياقتى سالالارداعى ىنتىماقتاستىقتىڭ ناقتى ناتيجەلەرىنە قول جەتكىزۋگە مۇمكىندىك بەرەدى دەپ ويلايمىن», دەدى يۋن سوك يول.
قازاقستانعا مەملەكەتتىك ساپارى قارساڭىندا كورەيا رەسپۋبليكاسىنىڭ پرەزيدەنتىنىڭ «Egemen Qazaqstan» گازەتىنە بەرگەن سۇحباتىنىڭ تولىق نۇسقاسىن مىنا سىلتەمە ارقىلى وقي الاسىز.
