دەسانتشىلاردىڭ دايىندىق دەڭگەيى جوعارى

قازاقستان دەسانتتىق-شا­بۋىلداۋ اسكەرلەرىنىڭ اسكەري قىزمەتشىلەرى وزگە ەلدەردىڭ قاتىسۋشىلارىمەن بىرگە تاپسىرىلعان وقۋ-جاۋىنگەر­لىك مىندەتتەردى ويداعىداي ورىنداپ شىقتى. ولاردىڭ كوپ­ۇلتتى بولىمشەلەر قۇرا­مىنداعى ماشىق-داعدىلارى مەن ۇيلەسىمدى قيمىلى تۇر­كيا قارۋلى كۇشتەرىنىڭ نۇس­قاۋشىلارى تاراپىنان جو­عارى باعالاندى.

– جاتتىعۋ بارىسىندا دە­سانتتىق-شابۋىلداۋ اس­كەر­لەرىنىڭ جەكە قۇرامى اتىس قارۋى مەن شەتەلدىك قارۋ-جاراقتى يگەرىپ قانا قوي­ماي, باسقا ەلدەردىڭ اسكە­ري كونتينگەنتىمەن ءوزارا ءىس-قي­مىل جاساپ, تاجىريبە الماس­تى. ۇيلەسىمدى جۇمىس ءۇشىن ءتىپ­تى تىلدىك كەدەرگى دە توس­قا­ۋىل بولعان جوق. العا قويىل­عان مىندەتتەردى ورىنداۋعا اسكەري قىزمەتشىلەرىمىز­دىڭ جوعارى كاسىبيلىگى نەگىز بولدى, – دەيدى توپ ۇيلەستىرۋشىسى, پودپولكوۆنيك ماديار قاناەۆ.

وقۋ-جاتتىعۋ جوسپارىنا سايكەس, قاتىسۋشى تاراپتار­دىڭ اسكەري قىزمەتشىلەرى ءارتۇر­لى كاليبرلى اتىس قارۋىنان پراكتيكالىق اتىستاردى, ەلدى مەكەندە ۇرىس جۇرگىزىپ, شارتتى قارسىلاستى بەيتاراپ­تاندىرۋ جونىندەگى مىندەتتەر­دى ورىندادى. سانيتارلىق بولىمشەلەر جارالانعان اس­كەري قىزمەتشىگە العاشقى مەديتسينالىق كومەك كورسەتۋ مەن ۇرىس جاعدايىنا بارىنشا جاقىنداتىلعان ەۆاكۋاتسيا­لاۋ داعدىلارىن پىسىقتادى. وقۋ-جاتتىعۋعا قاتىسقان اس­كەري قىزمەتشىلەرگە جوعارى كاسىبيلىگىن راستايتىن سەرتيفيكاتتار تابىس ەتىلدى.

ەستەرىڭىزگە سالا كە­تە­يىك, «EFES-2024» حالىق­ارا­لىق كوپ­ۇلتتى وقۋ-جات­تى­عۋى تاجىري­بە الماسۋ, قا­تى­سۋشى ەلدەر اسكەري قىز­مەت­شى­­لەرىنىڭ بىرلەسكەن قىز­مە­تىن ۇيىمداستىرۋ, سون­داي-اق ولار­دىڭ كاسىبيلىگى مەن دا­يىن­دىق دەڭگەيىن ودان ءارى ارت­تىرۋ ماقساتىمەن ءوتتى.