فوتو: turaninfo.kz
بۋراباي اۋدانىندا سوتتالۋشىلار ۇزاق ۋاقىت بويى كۇش قولدانۋمەن قورقىتىپ, 12 ادامنان 130-500 مىڭ تەڭگەگە دەيىن (جالپى سوماسى 1 140 000 تەڭگە) اقشا بوپسالاعان. سونىمەن قاتار ەكى سوتتالۋشى – جابىرلەنۋشىنى ءوزىن-ءوزى ولتىرۋىنە جەتكىزگەن.
جاسالعان ارەكەتتەرىنە بايلانىستى, سوت جەتى سوتتالۋشىنى 4 جىلدان 5 جىلعا دەيىن مەرزىمگە باس بوستاندىعىنان ايىرىپ, ۇشەۋىنىڭ 4 جىلدان 5 جىلعا دەيىن باس بوستاندىعىن شەكتەدى. كامەلەتكە تولماعان بىرەۋى جابىرلەنۋشىلەرمەن تاتۋلاسۋىنا بايلانىستى قىلمىستىق جاۋاپتىلىقتان بوساتىلدى.
جازا تاعايىنداۋدا سوت سوتتالۋشىلاردىڭ جاس بالاسى بولۋىن, كىناسىن مويىنداۋىن جانە شىن جۇرەكتەن وكىنگەنىن, بۇرىن سوتتىلىعىنىڭ بولماعانىن ەسكەردى. سوتتالۋشىلاردا اۋىرلاتاتىن ءمان-جايلار انىقتالمادى.
سوتتالعانداردان جابىرلەنۋشىلەردىڭ پايداسىنا جالپى سوماسى 3 ملن تەڭگەگە مورالدىق زيان جانە جالپى سوماسى 1 140 000 تەڭگەگە كەلتىرىلگەن ماتەريالدىق زالال ءوندىرىلدى. سونىمەن قاتار سوت باستى سوت تالقىلاۋى بارىسىندا ءتارتىپتى بۇزعانى ءۇشىن پوليتسيا دەپارتامەنتىنىڭ اتىنا جانە اۋدان اكىمىنىڭ اتىنا جاستاردى جۇمىسپەن قامتۋ بولىگىندە جۇمىستى كۇشەيتۋگە نازار اۋدارا وتىرىپ, جەكەشە قاۋلىلار شىعاردى. سوت ۇكىمى زاڭدى كۇشىنە ەنگەن جوق.
اقمولا وبلىسى,
بۋراباي اۋدانى
