فوتو: ۇكىمەتتىڭ ءباسپاسوز قىزمەتى
31 552 وتباسى 100 اەك مولشەرىندە بىرجولعى تولەم الدى.
717 وتباسى قيراعان باسپاناسىنىڭ ورنىنا جاڭا ءۇي مەن پاتەرگە يە بولدى. بۇل تۇرعىدا قوستاناي وبلىسى تۇرعىندارىنا 298 ۇي/پاتەر ۇسىنىلسا, اقمولا وبلىسىندا – 85, اقتوبە وبلىسىندا – 121, سولتۇستىك قازاقستان وبلىسىندا – 135, باتىس قازاقستان وبلىسىندا – 70, قاراعاندى وبلىسىندا – 6, پاۆلودار وبلىسىندا – 2 جاڭا باسپانا بەرىلدى. زارداپ شەككەن تۇرعىندارعا ارناپ شامامەن 1 مىڭ 862 جاڭا ءۇي سالىنىپ جاتىر.
3 مىڭ 981 وتباسى تۇرعىن ءۇيىن جوندەۋگە جانە قالپىنا كەلتىرۋگە دەپ وتەماقى الدى.
5 066 وتباسىنا جوعالعان اسا قاجەتتى دۇنيە-مۇلكىن ساتىپ الۋ ءۇشىن 150 اەك مولشەرىندە قوسىمشا كومەك كورسەتىلدى.
بۇدان باسقا, زارداپ شەككەن 34 شوب سۋبەكتىسىنىڭ جالپى سوماسى 377 ملن تەڭگەلىك شىعىنى وتەلدى. بارلىق وبلىستا وڭىرلىك جانە اۋداندىق كوميسسيالار جۇمىس ىستەپ جاتىر. شىعىنداردى وتەۋ جانە قۇجاتتاردى تاپسىرۋ ءتارتىبىن ءتۇسىندىرۋ ءۇشىن 1432 ءنومىرى بويىنشا «اتامەكەن» قر ۇكپ «جەدەل جەلىسى» ىسكە قوسىلعان.
