ءورت

اتىراۋلىق جىگىت 4 جاسار بالانى «ءتىلسىز جاۋدان» قۇتقاردى اتىراۋداعى كوپ قاباتتى ۇيدەگى پاتەردىڭ بىرىندە بولعان ءورت وسى ايتقانىمىزدىڭ ايقىن دالەلى بولماق. سول كۇنى ءتۇس الەتىندە قالاداعى ساۋدا ورتالىعىنىڭ وكىلى ءراشيت جاكۋپوۆ اناسىنىڭ ۇيىنە تۇستىك اس ىشۋگە كەلەدى. كوپ قاباتتى ۇيگە كىرەر الدىندا ءۇشىنشى قاباتتاعى تەرەزەدەن ءتۇتىندى كورەدى. باسپالداقپەن جوعارى كوتەرىلىپ, ءتۇتىن ءيىسى سەزىلگەن پاتەر ەسىگىن قاققاندا, ىشتەن جىلاعان بالانىڭ داۋىسىن ەستيدى. كورشىلەرگە ءورت سوندىرۋشىلەرگە حابارلاۋدى تاپسىرىپ, ءوزى پاتەرگە قايتا جانۇشىرا جۇگىرەدى. پاتەر ەسىگىن اشىپ, ىشكە ەنتەلەي ەنگەندە, قارا ءتۇتىن ءدالىزدى قويۋ قاراڭعىلىققا تۇمشالايدى. بۇل كەزدە پاتەردىڭ كىرەبەرىسىندە كىشكەنتاي بالا قۇلاپ جاتىر ەدى. ءىنىسى ەكەۋى تۇتىنگە تۇنشىققان بالانى كوتەرىپ الىپ, جاقىن ماڭداعى وبلىستىق بالالار اۋرۋحاناسىنا جەتكىزەدى. كەيىن بەلگىلى بولعانداي, گازعا ۋلانعان بالا 2010 جىلى تۋعان, ياعني 4 جاستا ەكەن. ءورت سوندىرۋشىلەر قىزىل جالىننىڭ وزگە پاتەرلەردى شارپۋىنا جول بەرمەي, دەرەۋ ءسوندىرىپ ۇلگەردى. ەڭ باستىسى – 4 جاسار بالا امان. اجال تىرناعىنان اراشالاندى. قازىر كىشكەنتاي بالا دارىگەرلەر باقىلاۋىندا. ونى قۇتقارعان جاس جىگىت ءراشيت جاكۋپوۆتىڭ جاسى ءالى 30-عا تولماعان. ءراشيتتىڭ 7 جانە 3 جاستاعى ەكى ۇلى بار. «ءبىز كورشىمىز عوي, ءبىر-بىرىمىزگە قيىن ساتتە قول ۇشىن سوزۋىمىز قاجەت», دەپ سىپايى جىميعان جاس جىگىت بۇل ءىسىن ەرلىككە بالامايدى. جولداسبەك شوپەعۇل, «ەگەمەن قازاقستان». اتىراۋ. سۋرەتتى تۇسىرگەن راحىم قويلىباەۆ.