جىلىوي اۋداندىق ەكونوميكا جانە قارجى ءبولىمىنىڭ باسشىسى جانار ءدۇسىپوۆانىڭ مالىمەتىنشە, سۋ تاسقىنىنان زارداپ شەككەن تۇرعىنداردان 2 639 ءوتىنىش تۇسكەن. تۇرعىندارعا ب ۇلىنگەن ۇيلەردى باعالاۋ جانە تەحنيكالىق زەردەلەۋگە بايلانىستى 2 583 قورىتىندى بەرىلگەن.
«قۇلسارى قالاسىنىڭ 1 594 تۇرعىنى وتەماقى الۋ تۋرالى كەلىسىمشارتقا قول قويدى. جەرگىلىكتى 1 165 تۇرعىنعا وتەماقى قارجىسى تولەندى. ونىڭ ىشىندە 722 تۇرعىن باسپانا ساتىپ الۋ, 443 ادام تۇرعىن ءۇيىن جوندەۋ-قالپىنا كەلتىرۋ ءۇشىن تولەم الدى», دەيدى ج.ءدۇسىپوۆا.
ماسەلەن, قۇلسارى قالاسىنىڭ تۇرعىنى سەگىز بەردىقۇلوۆ ساراپشىلاردىڭ ب ۇلىنگەن م ۇلىكتى باعالاۋ قورىتىندىسىنا كەلىسىمىن بەرىپ وتىر. سول سەبەپتەن ەندى جىلىوي اۋدانىنىڭ اكىمدىگىنە جۇگىنىپ, وتەماقىنى اقشالاي العىسى كەلەدى. ال 5-ۋچاسكەدە تۇراتىن قوجانتاي داۋىتوۆكە دە باعالاۋ كوميسسياسىنىڭ قورىتىندىسى بەرىلگەن.
«تاسقىن سۋدان ءب ۇلىنىپ قالعان م ۇلىكتەرىمدى ءادىل باعالادى دەپ ويلايمىن. ەندى باعالاۋ قورىتىندىسىنا سايكەس تولەنەتىن قارجىمەن ءۇيىمدى تولىق قالپىنا كەلتىرۋدى ويلاستىرىپ وتىرمىن», دەيدى ق.ءداۋىتوۆ.
تۇرعىنداردىڭ اراسىندا ۇيىنە جوندەۋ جۇرگىزۋدى قولعا العاندار بار. سونىڭ ءبىرى – 74 جاستاعى ارداگەر تەمىرجولشى ايتباي شايپاحوۆ. ۇزاق جىلدان بەرى قۇلسارى قالاسىنداعى 4-ۋچاسكەدە تۇراتىن زەينەتكەردىڭ 2018 جىلى سالىنعان ءۇيىن سۋ باسقان.
«وتەماقىعا بەرىلگەن قارجىعا قاجەتتى ماتەريالداردى ساتىپ الىپ, جوندەۋ جۇمىسىن باستاعان ەدىك. ءۇيىمىزدىڭ ىشكى بولىگىن 15 كۇندە تولىق جوندەۋدەن وتكىزدىك. بۇرىنعى ەسىكتەردى جاڭاسىمەن الماستىرىپ, ەدەنىنە لينولەۋم توسەدىك. ەندى ءۇيدىڭ سىرتقى بولىگىنە جوندەۋ جۇرگىزەمىز», دەپ الاقانىن ىسقىلاپ وتىر ا.شايپاحوۆ.
ونىمەن ءبىر ۋچاسكەدە تۇراتىن ءناسىپباي ساعىنباەۆتىڭ ءۇيى قۇلاپ قالعان. وتباسىنداعى 5 بالاسىمەن كيىز ۇيدە تۇرعانىنا ەكى ايعا جۋىقتادى.
«وتباسىمىزبەن ەسكى ۇيدە تۇرعان ەدىك. سول ۇيگە 1989 جىلى كوشىپ كەلگەنبىز. كەيىنگى 5-6 جىلدان بەرى جيناعان قارجىما قۇرىلىس ماتەريالدارىن اكەلىپ, ءۇيىمنىڭ قاسىنان جاڭا باسپانانىڭ قابىرعاسىن كوتەرىپ قويعانمىن. قازىر وتەماقىنىڭ قارجىسىن اياقتالماي قالعان ءۇيدىڭ قۇرىلىسىنا جۇمساۋدى كوزدەدىم. جۇمىسشىلار كومەككە كەلدى. ولار ءۇيدىڭ شاتىرىن جابۋدى باستادى. «قىستىڭ قامىن جاز ويلا», دەگەندەي وسى باستان قامدانۋدامىز. بالالار ءوسىپ كەلەدى. سول سەبەپتەن قۇلاعان ءۇيىم تۇرعان جەر تەلىمىن وزىمە قالدىردىم. الداعى ۋاقىتتا بالالارىم سول جەرگە ءۇي سالۋى مۇمكىن», دەپ جوسپارىمەن ءبولىستى ن.ساعىنعاليەۆ.
اتىراۋ وبلىسى اكىمىنىڭ ورىنباسارى جاسۇلان بيسەمبيەۆتىڭ ايتۋىنشا, تاسقىن سۋدىڭ سالدارىنان ب ۇلىنگەن الەۋمەتتىك نىساندار دا بار. ماسەلەن, ءبىلىم-يننوۆاتسيا ليتسەيى مەن «سالتانات» بالاباقشاسىنىڭ عيماراتى اپاتتى دەپ تانىلىپ وتىر. سول سەبەپتەن بۇل ءبىلىم وردالارى ءۇشىن جاڭا عيمارات سالىنادى. تاعى ءبىر مەكتەپ پەن ءبىر بالاباقشا نىسانىنا كۇردەلى, 3 ءبىلىم ورداسى مەن 1 بالاباقشانىڭ عيماراتىنا جوندەۋ جۇرگىزىلەدى.
«قازىر قۇلسارى قالاسىنداعى «بولاشاق» شاعىن اۋدانىندا جاڭادان سالىناتىن 100 تۇرعىن ءۇيدىڭ ىرگەتاسىن قۇيۋ جۇمىسى باستالدى. قىركۇيەك ايىندا پايدالانۋعا بەرىلەتىن 80 ءۇيدى «قازاقستان حالقىنا» قوعامدىق قورىنىڭ قاراجاتى ەسەبىنەن سالۋ جوسپارلانىپ وتىر. ال 20 ءۇيدىڭ قۇرىلىسىن جۇرگىزۋگە جەرگىلىكتى بيۋدجەتتەن قارجى بولىنەدى», دەيدى ج.بيسەمبيەۆ.
وبلىستىق قۇرىلىس باسقارماسىنىڭ باس مامانى ەرنار قادىربايدىڭ دەرەگىنە قاراعاندا, ارنايى بولىنگەن جەر تەلىمىندە بەتون توسەۋ جۇمىسىمەن قاتار ىرگەتاس, مونوليت قۇيۋ اتقارىلىپ جاتىر. قۇرىلىس الاڭىندا ەكسكاۆاتور, اۆتوتيەۋىش, اۆتواۋدارعىش, اۆتوكران سەكىلدى باسقا دا تەحنيكالار تارتىلدى. جاڭا باسپانالاردىڭ قۇرىلىسىن جۇرگىزۋگە جەرگىلىكتى جەردەن قاجەتتى ينەرتتى جانە وزگە دە ماتەريالدار تابىلىپ وتىر. «قازاقستان حالقىنا» قورىنىڭ تالاپتارىنا سايكەس, قۇرىلىستى جۇرگىزەتىن مەردىگەرلەر جەرگىلىكتى مەكەمەلەردەن تاڭدالعان.
ء«ار تۇرعىن ءۇيدىڭ جالپى كولەمى 100 شارشى مەتردى قۇرايدى. جوباعا سايكەس جاڭا ۇيلەردە 5 بولمە بولادى. وعان قوسا ءۇيدىڭ ىشىندە سانيتارلىق توراپ قاراستىرىلعان. تۇرعىن ءۇي قۇرىلىسىنا جۇمىس كۇشىن تارتۋ بويىنشا ليميت سانى كوبەيتىلدى. قۇرىلىس جۇمىستارىن «ورلان», «ارمانداستار-اتىراۋ» جانە «كازكومسەرۆيس» جشس جۇرگىزۋدى قولعا الدى. بۇل كومپانيالاردىڭ ارقايسىسىنا 50-گە جۋىق جۇمىسشى تارتىلىپ وتىر», دەدى ە.قادىرباي.
اتىراۋ وبلىسى
