90 000

قازاقستاندىق بيىل اسكەر قاتارىنا شاقىرۋ پۋنكتتەرىنە تىركەلەتىن بولادى قورعانىس ىستەرى جونىندەگى باسقارمالار (بولىمدەر) ۇستىمىزدەگى جىلدىڭ قاڭتار-ناۋرىز ايلارىنىڭ ارالىعىندا «اسكەري قىزمەت جانە اسكەري قىزمەتشىلەردىڭ مارتەبەسى تۋرالى» زاڭنىڭ 16-بابىنا سايكەس ازاماتتاردى اسكەر قاتارىنا شاقىرۋ ۋچاسكەلەرىنە تىركەۋ جۇرگىزەدى. بيىل 1998 جىلى تۋعان جاسوسپىرىمدەر تىركەۋگە جاتادى. تىركەۋ ناۋقانى بارىسىن­دا ازاماتتار اسكەري ەسەپكە الىنىپ, بولاشاق اسكەر قاتارىنا شاقىرىلۋشىلاردىڭ سانى انىقتالادى. سونىمەن قاتار جاستاردىڭ ءبىلىمى, العان ماماندىعى, دەنە دايارلىعى ەسكەرىلە وتىرىپ ولاردىڭ اسكەري قىزمەتكە جارام­دىلىعى ايقىندالادى. بوزبالالار مەديتسينالىق تەكسەرۋدەن ءوتىپ, ەمدەۋدى نەمەسە مەديتسينالىق باقىلاۋدى قاجەت ەتەتىن جاستارمەن ەمدەۋ-ساۋىقتىرۋ ءىس-شارالارى جۇرگى­زىلەدى. ال دەن­ساۋلىق جاي-كۇيى جانە باسقا دا قابىلەتتەرى بويىنشا  جارامدى دەپ تانىلعان اسكەر قاتارىنا شاقىرىلۋشىلارعا اسكەري وقۋ ورىندارىندا, قورعانىس مينيسترلىگىنىڭ مامان­داندىرىلعان ۇيىمدارىندا ءبىلىم الۋ ۇسىنىلاتىن بولادى. بالالار ۇيلەرىنىڭ, جەتىم بالالار مەكتەپ-ينتەرناتتارىنىڭ تاربيەلەنۋشىلەرىنە, كوپ بالالى جانە از قامتىلعان وتباسىلاردان شىققان بالالارعا ەرەكشە كوڭىل بولىنەدى. تىركەۋ ناۋقانى بارىسىندا بوزبالالارمەن سۇحباتتار وتكىزىلىپ, ولار قارۋلى كۇشتەردىڭ دامۋى تۋرالى, اسكەري قىزمەتتىڭ كەلەشەگى, قازاقستاندىق اسكەرلەردىڭ حالىق­ارالىق وقۋ-جاتتىعۋلارعا, ءبىتىم­گەرشىلىك وپەراتسيالارىنا قاتى­سۋى تۋرالى بارلىق قاجەتتى اقپا­راتتاردى الادى. «ەگەمەن-اقپارات».