فوتو: اتىراۋ وبلىسىنىڭ تج جونىندەگى جەدەل شتابى
اتىراۋ وبلىسىنىڭ توتەنشە جاعداي جونىندەگى جەدەل شتابى بۇعان دەيىن اۋىلداعى جۇكتى انالار, ەگدە تۇرعىندار مەن بالالاردىڭ قالاعا كوشىرىلگەنىن مالىمدەگەن ەدى.
سۋ باسۋ قاۋپى جوعارىلاعاننان كەي تالدىكول تۇرعىندارى تۇگەل اتىراۋ قالاسىنا ەۆاكۋاتسيالاندى.
ولار ح. دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىنىڭ جاتاقحاناسىنا ورنالاستىرىلادى. جەرگىلىكتى جاۋاپتى ماماندار ۋاقىتشا تۇراقتا تۇرعىندارعا جاعداي جاسالىپ, 3 مەزگىل تاماق ۇيىمداستىرىلاتىنىن اتاپ ءوتتى.
«بەيبارىس اۋىلدىق وكرۋگىنە قاراستى 1200-دەي حالقى بار تالدىكول ەلدىمەكەنىندەگى تۇرعىندار اتىراۋ قالاسىنا ەۆاكۋاتسيالاندى. كىرمە جولدى سۋ شايىپ كەتۋىنە بايلانىستى, تۇرعىنداردى تولىق قاۋىپسىز ايماقتارعا كوشىرۋگە ءماجبۇر بولىپ وتىرمىز. سول سەبەپتى ەۆاكۋاتسيالىق جۇمىستاردى باستادىق. كەشە تۇننەن بەرى جەرگىلىكتى ازاماتتار قالاداعى تۇرعىن ۇيلەرىنە كەتىپ جاتىر. جۇزدەن استام تۇرعىن جولعا شىعىپ كەتتى», دەدى ماحامبەت اۋدانى اكىمىنىڭ ورىنباسارى ارمان ادىلعاليەۆ.
تالدىكولدىكتەردى ەۆاكۋاتسيالاۋعا تجد-نىڭ 24 جەكە قۇرامى مەن 6 قايىق, 6 تەحنيكا جۇمىلدىرىلدى.
