ءتورت مىڭ ۇل-قىز مەكتەپتەن تۇلەپ ۇشتى

اتالعان تاربيە سا­عات­­تا­رىن­دا سىنىپ جە­تەك­شى­لە­­رى وقۋشى­لار­دى وتكەن وقۋ جىلىنىڭ قورى­تىندى­سىمەن تا­نىس­تىرىپ, كەلەسى جىلدا وتىلەتىن جاڭا پاندەر بويىنشا باعىت-باعدار بەردى.

سوڭعى قوڭىراۋدان كەيىن 9 سىنىپ وقۋشىلارى مەن 11 سىنىپ تۇلەكتەرى قورىتىندى اتتەستا­تسيا تاپسىرادى. 9 سىنىپتارعا ارنال­عان قورىتىندى ەمتيحاندار 29 مامىر مەن 10 ماۋسىم ارالىعىنا جوس­پارلانىپ وتىر. ال 11 سىنىپ وقۋشىلارى 28 ما­مىردان 11 ماۋ­سىم­عا دەيىن مەم­لە­كەتتىك ەمتي­حاندارىن تاپسىرادى.

بيىل ءبىرىنشى رەت 5-8 سىنىپتار مەن 10 سىنىپ وقۋشىلارى قازاق ءتىلى مەن ادەبيەتى پانىنەن ەمتيحان تاپ­سىرماق. ال «التىن بەلگى» يەگەرلەرى بار­لىق مەكتەپتەگى ەمتيحاندار اياق­تال­عاننان كەيىن ماراپاتتالادى.

11 (12) سىنىپ تۇلەكتەرىنە اتتەس­تات تاپسىرۋ جانە ەرەكشە ۇلگىدەگى «التىن بەلگىمەن» ماراپاتتاۋ 12-15 ماۋسىم ارالىعىندا مەكتەپتەردەگى بارلىق ەمتيحان اياقتالعاننان كەيىن وتەدى.

«بيىل وقۋشىلارىمىز 15 حا­­­لىق­­ارالىق سىيلىقتى جەڭىپ ال­دى, ونىڭ 4-ەۋى – التىن مەدال. حا­لىق­­ارالىق ماراپاتتاردىڭ دەنى ء«بىلىم – يننوۆاتسيا» ليتسەيى وقۋشى­لارىنىڭ ۇلەسىندە. مىسا­لى, تاياۋدا عانا اتالعان ليتسەيدىڭ وقۋشىسى جان ءداۋىتوۆ ماتەماتيكا ءپانى بويىنشا بالقان وليم­پياداسى­نىڭ التىنىن يە­لەن­دى. سونى­مەن قاتار 55 وقۋشى – رە­س­پۋبلي­كالىق وليمپيادالار مەن عىلى­مي جوبالار بايقاۋىندا جەڭىم­پاز, جۇلدەگەر اتاندى. وقۋشى­لارىمىز رەسپۋبليكالىق عىلىمي جوبالار كونكۋرسىنىڭ قورىتىندىسى بويىنشا 25 جۇل­دەلى ورىن الدى. مۇنىڭ سىرتىندا, وبلىس وقۋشىلارىنىڭ 6 جوبا­سى «دارىن» رەسپۋبليكالىق عى­لى­مي-پراكتيكالىق ورتا­لى­­عى­نىڭ گراموتالارىمەن مارا­پات­­تال­دى. بيىل قوستاناي وبلى­سىنىڭ وليمپياداشىلارى 29 جۇلدەلى ورىنعا يە بولدى. ونىڭ ىشىندە رەسپۋب­ليكالىق وقۋشىلار وليم­پيا­­داسىنىڭ 5 التىن, 10 كۇمىس جانە 14 قولا مەدالى بار. اسىرەسە ء«بىلىم – يننوۆاتسيا» ليتسەيىن ەرەك­­شە اتاپ وتكىم كەلەدى. وقۋ جىلى­نىڭ قورىتىندىسى بويىن­شا اتالعان ليتسەيدىڭ ەنشى­سىندە 9 مەدال بار. سونىمەن قاتار ى.التىنسارين اتىنداعى دا­رىن­دى بالالارعا ارنالعان مەك­تەپ-ينتەرنات, قوستانايداعى №2 مەك­تەپ-ليتسەيى, م. قوزىباەۆ اتىن­دا­عى №23 مەكتەپ, رۋدنىي قالا­سى­نىڭ №5, №2-گيمنازيا­لارى رەس­پۋب­ليكالىق وقۋ­شىلار وليم­پيا­دا­سى­نىڭ قورىتىندىسى بويىنشا ال­دىڭعى قاتارلى ءجۇز مەكتەپتىڭ قا­تارىنا ىلىكتى», دەيدى وبلىستىق ءبى­لىم باسقارماسى باسشىسىنىڭ ورىن­باسارى داناگۇل سۇيىندىكوۆا.

قوستاناي وبلىسى