قازاقستان رەسپۋبليكاسى سپورت جانە دەنە شىنىقتىرۋ ىستەرى اگەنتتىگىنىڭ بۇيرىعى №293

2014 جىلعى 28 شىلدە,  استانا قالاسى سپورت مەكتەپتەرىنە جانە سپورت مەكتەپتەرىنىڭ بولىمشەلەرىنە «مامانداندىرىلعان» مارتەبەلەرىن بەرۋ قاعيدالارىن بەكىتۋ تۋرالى قازاقستان رەسپۋبليكاسىنىڭ «دەنە شىنىقتىرۋ جانە سپورت تۋرالى» 2014 جىلعى 3 شىلدەدەگى زاڭىنىڭ 7-بابىنىڭ 43) تارماقشاسىنا سايكەس بۇيىرامىن: 1. قوسا بەرىلىپ وتىرعان سپورت مەكتەپتەرىنە جانە سپورت مەكتەپتەرىنىڭ بولىمشەلەرىنە «مامانداندىرىلعان» مارتەبەلەرىن بەرۋ قاعيدالارى بەكىتىلسىن. 2. جوعارى جەتىستىكتەر سپورتى جانە سپورت رەزەرۆى دەپارتامەنتى (س.م. جاراسباەۆ) زاڭنامامەن بەكىتىلگەن تارتىپتە: 1) قازاقستان رەسپۋبليكاسى ادىلەت مينيسترلىگىنە وسى بۇيرىقتى مەملەكەتتىك تىركەۋگە ۇسىنسىن; 2) قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەننەن كەيىن وسى بۇيرىقتىڭ بۇقارالىق اقپارات قۇرالدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى سپورت جانە دەنە شىنىقتىرۋ ىستەرى اگەنتتىگى توراعاسىنىڭ ورىنباسارى ە.ب. قاناعاتوۆقا جۇكتەلسىن. 4. وسى بۇيرىق العاش رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسى سپورت جانە دەنە شىنىقتىرۋ ىستەرى اگەنتتىگىنىڭ توراعاسى ت.ەسەنتاەۆ. قازاقستان رەسپۋبليكاسى سپورت جانە دەنە شىنىقتىرۋ ىستەرى اگەنتتىگى توراعاسىنىڭ 2014 جىلعى 28 شىلدەدەگى №293 بۇيرىعىمەن بەكىتىلگەن سپورت مەكتەپتەرىنە جانە سپورت مەكتەپتەرىنىڭ بولىمشەلەرىنە «مامانداندىرىلعان» مارتەبەلەرىن بەرۋ قاعيدالارى 1. جالپى ەرەجەلەر 1. وسى سپورت مەكتەپتەرىنە جانە سپورت مەكتەپتەرىنىڭ بولىمشەلەرىنە «مامانداندىرىلعان» مارتەبەلەرىن بەرۋ قاعيدالارى (بۇدان ءارى – قاعيدا) مارتەبەلەر بەرۋ ءتارتىبىن انىقتايدى. 2. سپورت مەكتەپتەرىنە جانە سپورت مەكتەپتەرىنىڭ بولىمشەلەرىنە «مامانداندىرىلعان» مارتەبەلەرى اتالعان سپورتتىق مەكتەپتەردىڭ جانە سپورت تۇرلەرىنەن بولىمشەلەردىڭ قىزمەتكەرلەرىن ماتەريالدىق ىنتالاندىرۋ, سونىمەن قاتار ولاردىڭ جوعارى دارەجەلى سورتشىلاردى دايارلاۋعا جانە قازاقستان رەسپۋبليكاسى قۇراما كوماندالارىنىڭ رەزەرۆىن دايىنداۋعا مۇددەسىن ارتتىرۋ ماقساتىندا بەرىلەدى. 3. دەنە شىنىقتىرۋ جانە سپورت سالاسىنداعى ۋاكىلەتتى ورگان (بۇدان ءارى – ۋاكىلەتتى ورگان) سپورت مەكتەپتەرىنە جانە سپورت مەكتەپتەرىنىڭ بولىمشەلەرىنە «مامانداندىرىلعان» مارتەبەلەرىن بەرۋ تۋرالى شەشىم قابىلدايتىن ورگان بولىپ تابىلادى. 4. وسى قاعيدادا مىناداي ۇعىم قولدانىلادى: 1) سپورتتىق جەتiلدiرۋ توپتارى – مىناداي اتاقتار مەن رازريادتاردى ورىنداعان سپورتشىلار توپتارى: 2) سپورتتىڭ ويىن تۇرلەرiنەن (فۋتبول, شاعىن فۋتبول, جاعاجاي فۋتبولى, ۆولەيبول, جاعاجاي ۆولەيبولى, باسكەتبول, قول دوبى, سۋ دوبى, شايبالى حوككەي, دوپتى حوككەي, كوگالداعى حوككەي), كوكپاردان, كونكي تەبۋ سپورتىنان, جەڭiل اتلەتيكادان – 1-سپورتتىق رازرياد; 3) سپورتتىڭ باسقا تۇرلەرiنەن – «قازاقستان رەسپۋبليكاسىنىڭ سپورت شەبەرiنە ۇمiتكەر». 2. مارتەبەلەردى بەرۋ ءتارتىبى 5. سپورت مەكتەپتەرىنە «مامانداندىرىلعان» مارتەبەسىن بەرۋ ءۇشىن مىناداي شارتتار ساقتالادى: 1) ءوز مەنشىگىندە نەمەسە جالعا الىنعان سپورتتىق وبەكتىنىڭ ء(ۇي-جايدىڭ) بولۋى; 2) سپورت مەكتەپتەرىنىڭ بارلىعىنداعى سپورت تۇرىنەن بولىمشەلەردە كەمىندە 4 ادامنان تۇراتىن جاتتىقتىرۋشى-وقىتۋشى قۇرامىنىڭ بولۋى; 3) «قازاقستان رەسپۋبليكاسىنىڭ سپورت شەبەرى», «قازاقستان رەسپۋبليكاسىنىڭ حالىقارالىق دارەجەدەگى سپورت شەبەرى» اتاعى بار سپورتشىلاردىڭ, رەسپۋبليكالىق جانە حالىقارالىق جارىستاردىڭ چەمپيوندارى مەن جۇلدەگەرلەرىنىڭ بولۋى; 4) كەمىندە 2/3 بولىگىندە سپورت تۇرىنەن مامانداندىرىلعان بولىمشەلەردىڭ بولۋى. 6. سپورت مەكتەپتەرىنىڭ سپورت تۇرلەرى بويىنشا بولىمشەلەرىنە «مامانداندىرىلعان» مارتەبەسىن بەرۋ ءۇشىن مىنا شارتتار ساقتالادى: 1) سپورت تۇرلەرى بويىنشا بولىمشەلەر ءوز قىزمەتىن جۇزەگە اسىراتىن سپورت مەكتەپتەرىنىڭ ءوز مەنشىگىندە نەمەسە جالعا الىنعان سپورتتىق وبەكتىنىڭ ء(ۇي-جايدىڭ) بولۋى; 2) سپورت تۇرلەرى بويىنشا بولىمشەلەردە كەمىندە 4 ادامنان تۇراتىن جاتتىقتىرۋشى-وقىتۋشى قۇرامىنىڭ بولۋى; 3) سپورت تۇرلەرى بويىنشا بولىمشەلەردە «قازاقستان رەسپۋبليكاسى سپورت شەبەرىنە ۇمىتكەر», «قازاقستان رەسپۋبليكاسىنىڭ سپورت شەبەرى», «قازاقستان رەسپۋبليكاسىنىڭ حالىقارالىق دارەجەدەگى سپورت شەبەرى» اتاعى بار سپورتشىلاردىڭ, رەسپۋبليكالىق جانە حالىقارالىق جارىستاردىڭ چەمپيوندارى مەن جۇلدەگەرلەرىنىڭ بولۋى; 4) سپورت تۇرلەرى بويىنشا بولىمشەلەردە كەمىندە ەكى سپورتتىق جەتىلدىرۋ توبىنىڭ بولۋى ء(بىر سپورتتىق جەتىلدىرۋ توبىندا شۇعىلدانۋشىلار سانى دامىتىلعان سپورت تۇرىنە قاراي 3ادامنان باستاپ 6 ادامدى قۇرايدى). 7. سپورت مەكتەپتەرىنىڭ جانە سپورت مەكتەپتەرى بولىمشەلەرىنىڭ «مامانداندىرىلعان» مارتەبەسى ونى ۋاكىلەتتى ورگان بەرگەن كۇننەن باستاپ ءتورت جىل بويىنا قولدانىستا بولادى. 8. سپورت مەكتەپتەرىنە «مامانداندىرىلعان» مارتەبەسىن بەرۋ ءۇشىن قاجەتتى قۇجاتتار: 1) دەنە شىنىقتىرۋ جانە سپورت سالاسىنداعى جەرگىلىكتى اتقارۋشى ورگاننان (بۇدان ءارى – جەرگىلىكتى ورگان) ەركىن نىساندا جازىلعان قولداۋحات, وندا سپورت مەكتەبىنىڭ شتات سانى, سپورت مەكتەبىندەگى سپورتشىلاردىڭ, جاتتىقتىرۋشى-وقىتۋشىلاردىڭ قۇرامى تۋرالى اقپارات بولادى; 2) سپورت مەكتەبىنە جاتاتىن سپورتتىق وبەكتىگە ء(ۇي-جايعا) قۇقىق بەلگىلەيتىن قۇجاتتاردىڭ كوشىرمەلەرى نەمەسە سپورت مەكتەبىنىڭ وقۋشىلارى سپورتپەن شۇعىلداناتىن سپورتتىق وبەكتىنى ء(ۇي-جايدى) جالعا الۋ شارتىنىڭ كوشىرمەسى; 3) دارىگەرلىك-دەنە شىنىقتىرۋ ديسپانسەرى مەن سپورت مەكتەبىنىڭ اراسىندا جاسالعان قولدانىستاعى شارتتىڭ كوشىرمەسى. 9. سپورت مەكتەپتەرىنىڭ بولىمشەلەرىنە «مامانداندىرىلعان» مارتەبەسىن بەرۋ ءۇشىن قاجەتتى قۇجاتتار: 1) جەرگىلىكتى اتقارۋشى ورگاننىڭ ەركىن نىساندا جازىلعان قولداۋحاتى, وندا سپورت تۇرلەرىنەن بولىمشەلەرىنىڭ شتات سانى, سپورت تۇرلەرىنەن بولىمشەلەردەگى سپورتشىلاردىڭ, جاتتىقتىرۋشى-وقىتۋشىلاردىڭ قۇرامى تۋرالى اقپارات بولادى; 2) كوشىرمەلەرى: سپورت تۇرلەرىنەن بولىمشەلەردىڭ وقۋشىلارى سپورتپەن شۇعىلداناتىن سپورت مەكتەبىنە جاتاتىن سپورتتىق وبەكتىگە ء(ۇي-جايعا) قۇقىق بەلگىلەيتىن قۇجاتتارىنىڭ جانە سپورت تۇرلەرىنەن بولىمشەلەردىڭ وقۋشىلارى سپورتپەن شۇعىلداناتىن سپورت مەكتەبىمەن جاسالعان سپورتتىق وبەكتىنى ء(ۇي-جايدى) جالعا الۋ شارتىنىڭ كوشىرمەسى; 3) دارىگەرلىك-دەنە شىنىقتىرۋ ديسپانسەرى مەن سپورت تۇرلەرىنەن بولىمشەلەردىڭ وقۋشىلارى ۇنەمى مەديتسينالىق تەكسەرىستەن وتەتىن سپورت مەكتەبى اراسىندا جاسالعان قولدانىستاعى شارتتىڭ كوشىرمەسى; 4) جەرگىلىكتى اتقارۋشى ورگان بەكىتكەن سپورتتىق جەتىلدىرۋ توپتارىنىڭ تىزىمدەرى. 10. سپورت مەكتەپتەرىنە جانە سپورت مەكتەپتەرىنىڭ بولىمشەلەرىنە «مامانداندىرىلعان» مارتەبەسىن بەرۋگە ۇسىنىلعان قۇجاتتاردى ۋاكىلەتتى ورگان تىركەلگەن كۇنىنەن باستاپ 30 كۇنتىزبەلىك كۇن ىشىندە قاراستىرادى. 11. ۋاكىلەتتى ورگان ۇسىنىلعان قۇجاتتاردى قاراستىرۋ قورىتىندىسى بويىنشا سپورت مەكتەپتەرىنە جانە سپورت مەكتەپتەرىنىڭ بولىمشەلەرىنە «مامانداندىرىلعان» مارتەبەسىن بەرۋ نەمەسە بەرۋدەن باس تارتۋ تۋرالى شەشىم قابىلدايدى. 12. سپورت مەكتەپتەرىنە جانە سپورت مەكتەپتەرىنىڭ بولىمشەلەرىنە «مامانداندىرىلعان» مارتەبەسىن بەرۋدەن باس تارتقان جاعدايدا ۋاكىلەتتى ورگانمەن دالەلدى جاۋاپ بەرىلەدى. 13. ۋاكىلەتتى ورگاننىڭ مارتەبە بەرۋ تۋرالى شەشىمى بۇيرىقپەن رەسىمدەلەدى, بۇيرىقتىڭ كوشىرمەسى سپورت مەكتەپتەرىنە جانە سپورت مەكتەپتەرىنىڭ بولىمشەلەرىنە «مامانداندىرىلعان» مارتەبەسىن بەرۋگە قۇجاتتاردى تاپسىرعان جەرگىلىكتى ورگانعا جىبەرىلەدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2014 جىلعى 5 تامىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №9676 بولىپ ەنگىزىلدى.