العاش رەت ۇيىمداستىرىلعان تۋرنيرگە «اقيقات» پىكىرسايىس ورتالىعىنان 70, ەلىمىزدىڭ 6 ايماعىنان 120-دان اسا ۇزدىك پىكىرسايىسشىلار قاتىستى.
«تۋرنير – جاۋاپكەرشىلىگى مەن ينتەللەكتىسى جوعارى, رۋحاني جان دۇنيەسى باي, ەستەتيكالىق تالعامى دامىعان تۇلعانى قالىپتاستىرۋ مەن دامىتۋدى ماقسات ەتتى. پىكىرسايىس جاستاردى لوگيكالىق ويلاۋعا, ءوز ۇستانىمىن بىلدىرۋگە تاربيەلەيدى. سونداي-اق ءارتۇرلى جاعدايدا ونى تالداپ, وزىندىك كوزقاراسىن قالىپتاستىرۋعا بەيىمدەيدى», دەدى م.اۋەزوۆ ۋنيۆەرسيتەتى جاستار ورتالىعىنىڭ ديرەكتورى اقان بەسباەۆ.
قازاق جانە ورىس تىلىندە وتكەن امەريكالىق پارلامەنت جانە لينكولن-دۋگلاس فورماتىنداعى تۋرنير قىزىقتى بولدى. تارتىستى دودادا ءبىلىم الۋشىلار ەلىمىزدىڭ قوعامدىق-ساياسي تىنىسى تۋرالى پىكىر تالاستىرىپ, شەشەندىك ونەرلەرىن ساراپقا سالدى.
ۇتقىر ءسوز سايىسىنىڭ قورىتىندىسىندا جەڭىمپازدار ۋنيۆەرسيتەتتىڭ وقۋ گرانتى جانە «اۋەزوۆ ۋنيۆەرسيتەتى تۇلەكتەرىنىڭ قاۋىمداستىعى» قوعامدىق بىرلەستىگىنىڭ تاراپىنان قارجىلاي سىيلىقتارمەن ماراپاتتالدى.
سونىمەن الماتى وبلىسى شوقان ءۋاليحانوۆ مەكتەبىنىڭ وقۋشىلارى جادىرا اليكوۆا مەن جىگەر سەيداحمەتوۆ ءبىرىنشى ورىنعا يە بولىپ, وقۋ گرانتىن ۇتىپ السا, ەكىنشى ورىندى – شىمكەنت قالاسىنان بەكارىس ءازىمحان (تالانت-1 مەكتەبى) مەن كامشات الپىسباي (№38 مەكتەپ-گيمنازيا) يەلەندى.
سونداي-اق شىمكەنتتىك وقۋشىلار ەرتاي جولدىبەك (Zerdeli high school) پەن دانيال سارباەۆ (№25 مەكتەپ-گيمنازيا) جانە جامبىل وبلىسىنان كەلگەن كازيم سارىمومەد-وگلي (ن.اقشاباەۆ اتىنداعى ورتا مەكتەپ) مەن زەرە ماڭىزقىزى زەرە ء(«ۇمىت» وقۋشىلار سارايى) ءۇشىنشى ورىنعا قول جەتكىزدى.
زياتكەرلىك دودادا ۇزدىك سپيكەر اتانعان شۇعىلا سالىبەك (№47 مەكتەپ) وقۋ گرانتىنا يە بولدى. ءدال وسىنداي اتالىمدى ۇلسايا ەگەمبەردى (Academy of golden kids) مەن گۇلفايرۋس ازىرەتالى دە جەڭىپ الدى. سونىمەن بىرگە اتالعان جارىستا ارۋجان سادىق ۇزدىك تورەشى, نۇرلىحان قۋاندىقوۆ ۇزدىك گيد اتالىمىنا لايىق دەپ تانىلدى.
شىمكەنت
