فوتو: ۆيدەوسكرين. اقتوبە وبلىسى اكىمدىگى
وبلىس اكىمدىگىنىڭ مالىمەتىنشە, تۇمار سماعۇلدىڭ ء«NazarAى» قوسىمشاسى ناقتى ۋاقىتتا بەينەكامەرا ماتەريالدارىن جاساندى ينتەللەكت ارقىلى وڭدەيدى, ياعني ادامدى تانۋ, ادام ارەكەتىن مودەلدەۋ, قاۋىپتى ساتتە شۇعىل حابارلاۋ سەكىلدى جۇمىستاردى ۇيىمداستىرادى.
اتالعان قوسىمشا – مەكتەپكە كەلگەن وقۋشىلاردىڭ بەينە كامەراداعى كەسكىنىن تانيدى جانە تانىلعان وقۋشى مەكتەپكە كەلگەن مەزەتىندە اۆتوماتتى تۇردە اتا-انالارعا حابارلاما جىبەرەدى. حابارلامادا وقۋشىنىڭ فوتوسى, اتى-ءجونى, كەلگەن ۋاقىتى كورسەتىلىپ تۇرادى.
قوسىمشانىڭ تاعى ءبىر قىزمەتى – قاۋىپتى ءساتتى انىقتاۋ. وقۋشىعا قاۋىپ-قاتەر تونگەن ساتتە جابىرلەنۋشى ەكى قولىن كوتەرسە, جاساندى ينتەللەكت بەينەدەگى ادام ارەكەتىنىڭ كومپيۋتەرلىك مودەلىن قۇراستىرادى. وسىلايشا, ادام قولى, بۋىندارىنىڭ بۇرىش گرادۋستارى ارقىلى ەسەپتەۋلەر جۇرگىزىپ, ادامعا قاۋىپ تونگەنىن انىقتايدى.
قاۋىپ انىقتالعان سوڭ, قوسىمشا ادام بەينەسىن سكرين جاساپ, اقپاراتتى ارنايى اشىلعان Telegram-ارناعا جىبەرەدى. اتالعان Telegram-ارنادا ىشكى ىستەر ورگاندارىنىڭ ارنايى ءبولىمى تىركەلگەن.
