- قازاقستاندا سوتتان تىس بانكروتتىق ءراسىمىن قولدانۋعا 97 مىڭ ءوتىنىش قابىلداندى. ونىڭ ىشىندە 80 مىڭ وتىنىشكە باس تارتىلدى. 11,7 مىڭنان استام ازامات بانكروت دەپ تانىلدى. 25 ملرد تەڭگەدەن استام ەسەپتەن شىعارىلدى. زاڭعا ەكىنشى دەڭگەيلى بانكتەرمەن رەتتەۋ بويىنشا قۇجات قوسىمشالارىن الىپ تاستاۋ, بەرەشەك سوماسىن جانە كرەديتوردى كورسەتۋدى تالاپ ەتپەۋ, ولشەمشارتتادى كەڭەيتۋ بويىنشا وزگەرتۋلەر ازىرلەنىپ جاتىر, - دەدى قارجى ۆيتسە-ءمينيسترى ەرجان ءبىرجانوۆ جۋرناليستەرمەن وتكەن كەزدەسۋدە.
ونىڭ دەرەگىنشە, رەسپۋبليكا بويىنشا الماتى وبلىسى, تۇركىستان وبلىسى, الماتى قالاسى, جامبىل وبلىسى مەن قىزىلوردا وبلىسى تۇرعىندارىنان بانكروتتىققا ەڭ كوپ ءوتىنىش تۇسكەن.
ءوز كەزەگىندە قارجى ءمينيسترى ءمادي تاكيەۆ حالىق اراسىندا بانكروتتىق بويىنشا تۇسىندىرمە جۇمىستارى جۇرگىزۋدىڭ ماڭىزدى ەكەنىن باسا ايتتى.
- ەگەر دە ادام بانكروت دەپ تانىلاتىن بولسا, بىرقاتار شەكتەۋ شارالارى بار. ماسەلەن, شەتەلگە شىعۋ, قوسىمشا نەسيە الۋ. ءبىز زاڭنامالىق دەڭگەيدە بىرقاتار قۇجاتتاردى الىپ تاستاپ وتىرمىز. بۇل جەكە تۇلعالارعا ءوتىنىشتى بەرگەن كەزدە قولايلى جاعداي جاساۋ ماقساتىندا جاسالىپ وتىر, - دەدى ۆەدومستۆو باسشىسى.
