فوتو: gov.kz
«بۇل بايقاۋدى مامىر ايىندا ءۇشىنشى جىل وتكىزىپ جاتىرمىز جانە الدىمىزدا پراكتيكالىق ماقسات بار. بالالار قاۋىپسىزدىك ەرەجەلەرىمەن تانىسىپ, ەستە ساقتايدى», دەيدى №3 ارنايى مەكتەپ ديرەكتورى گۇلدانا ابدىعاليەۆا.
استانا قالاسى پد بايقوڭىر اۋدانى پوليتسيا باسقارماسىنىڭ كاپيتانى ايدانا جۋكەنوۆا بالالارعا جول قوزعالىسى ەرەجەلەرىن تۇسىنۋگە جاردەمدەستى.
بايقاۋ ەكى كەزەڭدە ءوتىپ, وعان 3 ارنايى مەكتەپتەن جانە 1 جالپى ءبىلىم بەرەتىن مەكتەپتەن 36 وقۋشى ءتورت نوميناتسيا بويىنشا قاتىستى: «سىرىڭكە بالالار ءۇشىن ويىنشىق ەمەس» سۋرەتتەر بايقاۋى, «ورتكە قارسى ينۆەنتار» قولونەر بايقاۋى, «جولدارداعى قاۋىپسىزدىك» الەۋمەتتىك بەينەروليكتەر بايقاۋى, «قاۋىپسىز بالالىق شاق» كوماندالىق قويىلىمى.
جەڭىمپازدار «بالالار الەمى» دۇكەنىنىڭ ديپلومدارىمەن جانە سەرتيفيكاتتارىمەن ماراپاتتالدى.
ءىس-شارا ۇيىمداستىرۋشىلارى كونتسەرتتىك باعدارلاماسى ءۇشىن م.وتەمىسوۆ اتىنداعى وقۋشىلار سارايىنا, سونىمەن قاتار كونكۋرستى وتكىزۋگە جاردەم ەتكەنى ءۇشىن جەكە كومپانيالارعا العىستارىن ءبىلدىردى.
