فوتو: سكرين. informburo.kz
informburo.kz حابارلاۋىنشا تابىلعان وتباسى وڭالتۋ ورتالىعىنا ورنالاستىرىلدى. انىقتالعانداي, ولار قازاقستانعا رەسەيدەن وسىدان 9 جىل بۇرىن كەلگەن ەكەن. ەر ادام رەسەيلىك بولسا, ايەل ۋكراينا ازاماتشاسى. سودان بەرى پاۆلودار وبلىسىندا تۇرعان ولاردىڭ ءبىر دە ءبىر قۇجاتى بولماي شىققان. التى بالاسى بار, ۇلكەنى 9 جاستا بولسا, كىشىسى 2 جاستا, ەشقايسىسى بالاباقشاعا, مەكتەپكە بارماعان.
ولاردىڭ ايتۋلارىنشا, وسى ۋاقىتقا دەيىن جالدامالى پاتەردە تۇرىپ, جۋىردا ول جەردەن شىعارىپ تاستاعان. 6 بالالى وتباسىنىڭ ورماندا قاشاننان بەرى كۇنەلتكەنى بەلگىسىز.
قازىرگى ۋاقىتتا مەملەكەتتىك ورگاندار بالالاردىڭ تۋ تۋرالى كۋالىكتەرىن جانە جسن, سونداي-اق قازاقستان اۋماعىندا ۋاقىتشا تۇرۋعا ارنالعان رۇقسات قۇجاتتارىن رەسىمدەۋگە كومەكتەسىپ جاتىر.
