كەزدەسۋدە پروفەسسور راە كۆون چۋنگ قازاقستاندا جۇزەگە اسىرىلىپ جاتقان جوبالارعا قاتىستى اقپاراتپەن ءبولىسىپ, جاڭا تەحنولوگيالار نارىعىنىڭ قارقىندى دامىپ جاتقانىن ەسكەرە وتىرىپ, ستۋدەنتتەردى ءوز بەتىنشە ىزدەنۋگە, كاسىبي داعدىلاردى دامىتۋعا جانە بىلىمدەرىن ۇنەمى جاڭارتىپ وتىرۋعا شاقىردى.
رەكتور بولات تىلەپ بۇل كەزدەسۋدىڭ ۋنيۆەرسيتەت ءۇشىن عىلىمي-پەداگوگيكالىق ىنتىماقتاستىقتى دامىتۋداعى ماڭىزدى قادام ەكەنىن اتاپ ءوتىپ, كورەيالىق عالىمعا اباي اتىنداعى قازۇپۋ جەتىستىكتەرىن تانىستىردى. جاڭا فورماتسياداعى پەداگوگ كادرلاردى دايارلاۋدا حالىقارالىق تاجىريبەگە توقتالدى. رەكتوردىڭ ايتۋىنشا, مۇنداي كەزدەسۋلەر سەرىكتەستىك بايلانىستاردى نىعايتۋعا ىقپال ەتىپ, قازاقستانداعى ءبىلىم مەن عىلىمنىڭ كوكجيەگىن كەڭەيتەدى. كوپتەگەن زەرتتەۋلەردە جوعارى وقۋ ورىندارىنا شەتەلدىك مامانداردى تارتۋ ءبىلىم ساپاسىنا وڭ اسەر ەتەتىنىن كورسەتەدى. شەتەلدىك پروفەسسورلاردىڭ ءبىلىمى مەن تاجىريبەسى وقۋ ۇدەرىسىن بايىتىپ, مادەنيەتارالىق تۇسىنىستىكتى دامىتۋعا جانە ستۋدەنتتەردى حالىقارالىق كەڭىستىكتە ءبىلىم الىپ, جۇمىس ىستەۋگە دايىندايدى. مۇنداي قادام جاھاندىق ەڭبەك نارىعى مەن اكادەميالىق قوعامداستىقتىڭ تالاپتارىنا نەعۇرلىم دايىن بولۋعا ىقپال ەتەدى.
كەزدەسۋ بارىسىندا عىلىم جانە ءبىلىم سالاسىندا تاجىريبە الماسۋ, بىرلەسكەن عىلىمي جوبالار مەن باعدارلامالاردى جۇزەگە اسىرۋ مۇمكىندىكتەرى تالقىلاندى. جاسىل ەكونوميكانىڭ تۇراقتى دامۋى مەن ەكولوگيالىق بىلىمگە ەرەكشە كوڭىل ءبولىندى. بۇل ۋنيۆەرسيتەت ستۋدەنتتەرى ءۇشىن جاڭا كوكجيەكتەردى باعىندىرىپ, وزىق عىلىمي جوبالاردى جۇزەگە اسىرۋعا, الەمدىك تاجىريبەنى يگەرۋگە مول مۇمكىندىك بەرەدى.
الماتى
