فوتو: ۇركەر جۋرنالى
الكەي مارعۇلاننىڭ باستاماسىمەن شوقان ءۋاليحانوۆ شىعارمالارىنىڭ 5 تومدىق تولىق اكادەميالىق جيناعى جارىق كورگەن. ونىڭ فولكلورلىق زەرتتەۋلەرىنىڭ ماڭىزى زور. «قازاق حالقىنىڭ ەپيكالىق جىر داستاندارى» تاقىرىبىندا ديسسەرتاتسيالىق عىلىمي ەڭبەگى جوعارى باعالاندى. ال «قازاق حالقىنىڭ كونە زامانداعى اقىندىق ونەرiنiڭ شەبەرلەرi» اتتى ەڭبەگiندە ەپيكالىق جىر ءداستۇرiن دامىتقان اقىندارعا, شەبەر ورىنداۋشىلارعا, سال-سەرiلەرگە توقتالىپ, ولاردىڭ ءسوز ونەرiندەگi ورنىن ايقىنداعان.
سونداي-اق ء«ماشھۇر ءجۇسiپ مۇراسىنداعى تۇركi ەپوسى», «الiشەر ناۋاي جانە قازاق مادەنيەتi», «مۇحاممەد حايدار دۋلاتي — تاريحشى», «شوقان ءۋاليحانوۆ جانە ورتا ازيا تاريحى», «دەكابريستەر جانە قازاقستان», «سۋۆوروۆ», «جامبىل جاباەۆ» سەكىلدى ەڭبەكتەرi جارىق كوردi.
الكەي مارعۇلان تاريح, ارحەولوگيا, ەتنوگرافيا, ادەبيەت, ونەر جانە مەتاللۋرگيا سالاسىنا قاتىستى 300-دەن استام عىلىمي-زەرتتەۋ جۇمىسىن, 100-دەن استام ەنتسيكلوپەديالىق ماقالا جازعان.
سونىمەن قاتار ول قازاقستاننىڭ ەتنوگرافتارىنىڭ, ارحەولوگتارىنىڭ, تاريحشىلارىنىڭ بiرنەشە بۋىنىن باۋلىدى.
