فوتو: قر ۇلتتىق ۇلانى
مي-8 تىكۇشاعى ەكيپاجىنىڭ العاشقى قۇرامىنا حاباروۆسك قالاسىنان كەلگەن تىكۇشاق ۇشقىشى تۋپيتسين ۆ.ف., ميشين ە.ا. جانە الەكساندروۆيچ ۆ.ا. ەندى.
3553 «ە» اسكەري ءبولىمى ەكيپاجدارى نەگىزگى مىندەتتەرىنەن باسقا تاجىكستان, وش, ستەپاناكەرت, سپيتاك, چەرنوبىل, باكۋ, سۋحۋمي, سۋمگايت, تاۋلى قاراباقتاعى جاۋىنگەرلىك جانە ارنايى وپەراتسيالارعا, قىزىلوردا وبلىسىنداعى شيەلى ەلدى مەكەنىندە جانە بۇرىنعى كەڭەس وداعىنىڭ باسقا داعدارىستىق ايماقتارىندا كەپىلگە الىنعانداردى بوساتۋعا قاتىستى.
تاۋلى قاراباقتا بىتىمگەرشىلىك ميسسياسىن ورىنداۋ كەزىندە 3553 «ە» اسكەري ءبولىمىنىڭ ۇشقىشتارى ەرلىكپەن قازا تاپتى. اتاپ ايتقاندا, 1991 جىلى 20 قاراشادا مي-8 تىكۇشاعىنىڭ قۇرامىندا بولعان تىكۇشاق كومانديرى مايور ۆ.ۆ. كوتوۆ, ۇشقىش-شتۋرمان لەيتەنانت د. ب. يالوۆەنكو جانە بورتتىق تەحنيكا كاپيتانى گ. دولگوۆ قىزمەتتىك مىندەتتەرىن اتقارۋ كەزىندە جەردەن وق اتىلىپ, اۋە كەمەسىنىڭ كۇل-تالقانى شىققان ەدى. سالدارىنان ەكيپاج بەن حالىقارالىق باقىلاۋشىلار اراسىنان 22 جولاۋشى كوز جۇمدى.
قازاقستان ءوز تاۋەلسىزدىگىن العاننان كەيىن مينيسترلەر كابينەتىنىڭ 1992 جىلعى 25 اقپانداعى قاۋلىسىمەن 3553 «ە» اسكەري ءبولىمىنىڭ بازاسىندا الماتى وبلىسىنىڭ بورالداي اۋە ايلاعىندا ورنالاسقان قر ءىىم ىشكى اسكەرلەرىنىڭ ارنايى ماقساتتاعى جەكە اۆياتسيالىق ەسكادريلياسى – 3656 اسكەري ءبولىمى قۇرىلدى.
باستاپقىدا قازاقستان رەسپۋبليكاسى ءىىم اسكەري-اۋە كۇشتەرىنىڭ اۆياتسياسى مي-8 تىكۇشاعىمەن جانە كەڭەستىك وندىرىستەگى ان-26, ان-30 جانە ياك-40 ۇشاقتارىمەن تولىققان, ولار 2013 جىلدان باستاپ كەزەڭ-كەزەڭىمەن اۆياتسيالىق تەحنيكانىڭ زاماناۋي ۇلگىلەرىنە اۋىستىرىلدى. اتاپ ايتقاندا, ان-74 ۇشاقتارى, Y-8 (ان-12 ۇشاعى تيپتەس, قحر-دا جاسالعان), سونداي-اق مي-171 تىكۇشاقتارى قولدانىسقا بەرىلە باستادى.
ۇلتتىق ۇلاننىڭ جەدەل ارەكەت ەتۋ جانە جاۋىنگەرلىك ازىرلىگىن ارتتىرۋ ماقساتىندا 2018 جىلى الماتى جانە بورالداي اۋە ايلاقتارىنان 3656 اسكەري ءبولىمىن استانا قالاسىنىڭ جاڭا اۋە ايلىعىنا كوشىرۋ جۇمىستارى ءساتتى جۇرگىزىلدى.
2022 جىلى مەملەكەت باسشىسىنىڭ جارلىعىنا سايكەس, جەكە اۆياتسيالىق ەسكادريليا جەكە قۇرامنىڭ شتاتتىق سانىنىڭ جانە اۆياتسيالىق تەحنيكانىڭ 2,5 ەسەگە ۇلعايۋى ناتيجەسىندە ارنايى ماقساتتاعى جەدەل-تاكتيكالىق قۇراما بولىپ قايتا قۇرىلدى.
ەسكە سالايىق, 2023 جىلى استانا قالاسىنىڭ اۋەجايىندا «ۇلتتىق ۇلاننىڭ اۆياتسيالىق بازاسى» ستراتەگيالىق نىسانىنىڭ قۇرىلىسى اياقتالدى.
تاۋەلسىزدىك جىلدارىندا ۇلتتىق ۇلاننىڭ ۇشقىشتارى قۇقىقتىق ءتارتىپتى قورعاۋ بارىسىندا 30 مىڭ ۇشۋ ارەكەتىن ورىندادى, 55 مىڭنان استام ادام جانە 7500 مىڭ توننا جۇك تاسىمالداندى, بىتىمگەرشىلىك باتالونىنىڭ تاجىك-اۋعان شەكاراسىندا تەرروريزمگە قارسى وپەراتسيالارعا قاتىسۋى ءۇشىن تاسىمالداندى. ناتيجەسىندە بىرقاتار ازامات قازاقستان رەسپۋبليكاسى مەن دوستاستىق ەلدەرىنىڭ ۆەدومستۆولىق جانە مەملەكەتتىك ناگرادالارىمەن ماراپاتتالدى.
ارنايى وپەراتسيالاردى جۇرگىزۋ بارىسىندا تىكۇشاقتاردىڭ كومەگىمەن 700 توننادان استام قۇرامىندا ەسىرتكى بار وسىمدىكتەر, 250-دەن استام قۇقىقتىق ءتارتىپ بۇزۋ ارەكەتتەرى جانە 15 بىرلىك اۆتوتەحنيكا, 17 بىرلىك اتىس قارۋى تاركىلەندى. ارنايى ماقساتتاعى بولىمشەلەر جۇرگىزەتىن لاڭكەستىككە قارسى وپەراتسيالار شەڭبەرىندە ىشكى ىستەر ورگاندارىنىڭ جانە ارناۋلى مەملەكەتتىك ورگانداردىڭ قاتىسۋمەن 200-دەن استام ۇشۋلار ورىندالدى, ونىڭ ىشىندە 23 ۇشۋ ارەكەتى جاقىن جانە الىس شەتەلدەرگە لاڭكەستەر مەن قىلمىسكەرلەردى ەكستراديتسيالاۋ.
بۇكىلالەمدىك كورونوۆيرۋس پاندەمياسى كەزىندە تمد ەلدەرىنەن 325 اسكەري قىزمەتشى مەن ولاردىڭ وتباسى مۇشەلەرى ەۆاكۋاتسيالاندى.
قازىرگى ۋاقىتتا ۇلتتىق ۇلاننىڭ اۆياتسيالىق پاركىن جوسپارلى جاڭارتۋ جۇمىستارى جۇرگىزىلۋدە جانە 2025 جىلدىڭ سوڭىنا قاراي 86%-عا جۋىق زاماناۋي ۇلگىدە جابدىقتالۋى ءتيىس دەپ جوسپارلانىپ وتىر. بولاشاقتا قازاقستاننىڭ بارلىق وڭىرلەرىندە جەكە ارنايى ماقساتتاعى اۆياوتريادتار قۇرىلادى دەپ كۇتىلەدى.
ءىىم كسرو جانە قازاقستان ءىىم ىشكى اسكەرلەرى اۆياتسياسىنىڭ جانە ۇلتتىق ۇلان اۆياتسياسىن ءار جىلدارى اۆياتسيانى گەنەرال-مايورى پونومارەۆ س. (1978-1991); پودپولكوۆنيك مياتكين گ.ا. (1993-1994); پولكوۆنيك بەلمانوۆ ب.ب. (1994-1995); پولكوۆنيك زۋلاحۋدجاەۆ ب. (1995-1997); پولكوۆنيك سەمەنوۆ س.ا. (1997-1999); پودپولكوۆنيك ە.ا. ۇسەيىنوۆ (2000-2002); پولكوۆنيك س.ا. تۋرچاك (2002-2004); پولكوۆنيك كەلگەنباەۆ ب.ءو. (2005-2012); پولكوۆنيك بۋتەنباەۆ ب.س. (2013-2016); پولكوۆنيك كۋلبيتسكي س.ن. (2016-2017) باسشىلىق ەتتى.
2017 جىلدان باستاپ قازىرگى ۋاقىتقا دەيىن ۇلتتىق ۇلاننىڭ باس قولباسشىلىعىنىڭ اۆياتسيا باسقارماسىن پولكوۆنيك كارمىكوۆ يگور يگورەۆيچ باسقارىپ كەلەدى.
قازىر اۆياتسيا قىزمەتىنە ۇلتتىق ۇلان باس قولباسشىسىنىڭ تەحنيكا جانە قارۋ-جاراق جونىندەگى ورىنباسارى گەنەرال-مايور ۆورونكين كونستانتين يۋرەۆيچ جەتەكشىلىك ەتەدى.
جاقىن جانە الىس ەلدەردەگى تۇراقسىز گەوساياسي جاعدايعا بايلانىستى, سونداي-اق قازاقستان رەسپۋبليكاسىنداعى قوعامدىق قاۋىپسىزدىككە تونەتىن سىن-قاتەرلەرگە ۋاقىتىلى دەن قويۋ ءۇشىن مەملەكەت باسشىسى اسكەرلەردىڭ جەدەل ارەكەت ەتۋ مەن جاۋىنگەرلىك ازىرلىگىن ارتتىرۋعا ەرەكشە كوڭىل بولەدى. ىشكى ىستەر ورگاندارىنىڭ باسشىلىعى ۇلتتىق ۇلاننىڭ اسكەري-كولىكتىك اۆياتسيا پاركىن ساندىق جانە ساپالىق جاعىنان تولىقتىرۋعا باعىتتالعان قاجەتتى شارالاردى قابىلداپ جاتىر.
ەڭ الدىمەن ۇشاقتار...
بۇل ماتەريالدى دايىنداۋ كەزىندە استانا قالاسىنداعى اەرودرومدا قر ۇلتتىق ۇلانىنىڭ اۆياتسياسىنا قاراستى ەكىنشى كوپماقساتتى ورتا كولىكتىك Y-8 ۇشاعىن جەتكىزۋگە بايلانىستى سالتاناتتى ءىس-شارا ءوتتى.
ۇشاقتى قازاقستان رەسپۋبليكاسىنداعى قىتاي حالىق رەسپۋبليكاسىنىڭ ەلشىلىگى جانىنداعى اسكەري اتتاشە اپپاراتى اۆياتسيا ونەركاسىبى كورپوراتسياسىمەن بىرلەسىپ جەتكىزدى. (CATIC)
اتالمىش ءىس-شاراعا ۇلتتىق ۇلان باس قولباسشىسىنىڭ تەحنيكا جانە قارۋ-جاراق جونىندەگى ورىنباسارى گەنەرال-مايور كونستانتين ۆورونكين جەتەكشىلىك ەتتى. ول بۇل كۇن قۇقىقتىق ءتارتىپ اسكەرلەرىنىڭ اۆياتسياسىن دامىتۋداعى تاعى ءبىر تاريحي ءسات ەكەنىن اتاپ ءوتىپ, قىتاي وكىلدەرىنە العىسىن ءبىلدىردى.
«الدىمەن ۇشاقتى مەرزىمىنەن بۇرىن جەتكىزگەن CATIC كومپانياسىنا جانە دايىنداۋشى زاۋىتتىڭ وكىلدەرىنە العىسىمدى جەتكىزەمىن جانە قىتاي حالىق رەسپۋبليكاسىندا ۇلتتىق ۇلاننىڭ اۆياتسيا ماماندارىن ساپالى وقىتۋعا اتسالىسقاندارىڭىز ءۇشىن راحمەت. CATIC كومپانياسىنىڭ ۇشۋ-نۇسقاۋشى قۇرامىنىڭ قازاق ۇشقىشتارىنىڭ ءبىلىمىن جەتىلدىرۋ ءۇشىن قوسقان ۇلەسى دە زور», دەدى كونستانتين ۆورونكين.
سونىمەن قاتار گەنەرال-مايور CATIC كومپانياسى پايدا بولعان كۇننەن باستاپ الەمنىڭ 60 ەلىنە 2600-دەن استام قارۋ-جاراق پەن اسكەري تەحنيكانىڭ ءتۇرلى ۇلگىلەرىن, ونىڭ ىشىندە اۋە كەمەلەرىنىڭ 35 ءتۇرىن جانە پيلوتسىز اپپاراتتاردى جەتكىزگەنىن قوسا ايتتى.
CATIC كومپانياسىنىڭ كليەنتتەرگە قىزمەت كورسەتۋ دەپارتامەنتىنىڭ ديرەكتورى دجينگجي يانگ تا ءوز تاراپىنان جىلى لەبىزىن ءبىلدىردى.
«مەن ءۇشىن قازاق ەلىنە كەلىپ, اتالمىش شاراعا قاتىسۋ – ۇلكەن قۇرمەت. قىتاي مەن قازاقستان شەكارالاس ەل, سوندىقتان بىزدەر ءاردايىم سەنىمدى سەرىكتەستەر بولا ءبىلۋىمىز قاجەت. سەرىكتەستىك كەزىندە ءبىز ۇلتتىق ۇلاننىڭ اۆياتسيالىق ماماندارىنىڭ ءوز ءىسىنىڭ شەبەرلەرى ەكەندىنە كوز جەتكىزدىك جانە قارۋلانۋعا قابىلدانعان ۇشاق سەنىمدى جۇمىستى كورسەتتى. بۇل ۇشاقتى ءارى قاراي دا ءتيىمدى پايدالانىپ, قىزمەت بارىسىندا پايداعا جاراتاسىزدار دەپ سەنەمىن. ۇلتتىق ۇلاننىڭ اۋە فلوتى قازاقستاننىڭ ۇلتتىق قاۋىپسىزدىگىنە لايىقتى ۇلەس قوساتىنىنا سەنىمدىمىن», دەدى دجينگجي يانگ.
قحر-دان كەلگەن ۇشاقتى قابىلداۋ راسىمىنە قاتىسقان ۇلتتىق ۇلان باس قولباسشىلىعىنىڭ اۆياتسيا باسقارماسىنىڭ باستىعى پولكوۆنيك يگور كارمىكوۆ: «ۇلتتىق ۇلان ورتالىق ازيا ايماعىندا عانا ەمەس, سونىمەن قاتار تمد ەلدەرى اراسىندا دا وسى تيپتەگى ۇشاقتاردى ساتىپ الۋدا العاشقىلاردىڭ ءبىرى. Y-8 ۇشاعى سالماعى 20 تونناعا دەيىنگى ءىرى گاباريتتى جۇكتەردى نەمەسە 86 اسكەري قىزمەتشىگە دەيىن تاسىمالداۋعا قابىلەتتى. 2024-2025 جىلدارى ۆەدومستۆولىق اۆياتسيانى تاعى ءتورت ۇشاقپەن تولىقتىرۋ جوسپارلانىپ وتىر, ول ۇشاقتار 2018 جىلدان بەرى تەحنيكالىق قىزمەت كورسەتۋ جاعىنان قاراپايىم, قازىرگى زامانعى ۇشۋ-ناۆيگاتسيالىق جۇيەسىمەن جابدىقتالعان, گەرمەتيكالىق پاندۋستارى تولىق پايدالانۋعا ءتيىمدى. Y-8 كولىك ۇشاعى كەڭەستىك ان-12 اسكەري كولىك ۇشاعى تيپتەس اۆياتسيالىق «جول تالعامايتىن كولىكتەردىڭ» ءبىرى, ءتۇرلى مەتەوجاعدايلاردا پايدالانۋعا مۇمكىندىك بەرەتىن ەڭ وزىق ۇشۋ-تەحنيكالىق قاسيەتى بار», دەدى.
سونداي-اق ول جاڭا اۆياتەحنيكانى مەڭگەرۋ ءۇشىن قحر ءوندىرۋشى زاۋىت بازاسىندا ۇلتتىق ۇلان اۆياتسيالىق بازاسىنىڭ اسكەري قىزمەتشىلەرى تەوريالىق جانە پراكتيكالىق وقىتۋدان وتكەنىن, وندا ۇشاقتاردىڭ اتالمىش تيپتەرىن پايدالانۋ بويىنشا قاجەتتى داعدىلاردى يگەرىپ, حالىقارالىق رۇقساتتامالارعا يە بولعانىن اتاپ ءوتتى.
جوسپارلاۋ كوكجيەگىن كەڭەيتۋ
ارينە, اۆياتسيالىق تەحنيكانى باسقارۋ كەز كەلگەن ادامعا بەرىلە بەرمەيدى. ۇشقىش اتانۋعا نيەتتەنگەن ۇمىتكەرلەردىڭ دەنساۋلىعى مەن فيزيكالىق دايىندىعى عانا ەمەس, سونىمەن قاتار كەز كەلگەن ساتتە توزىمدىلىك تانىتىپ, قوزعالىستى ۇيلەستىرۋ سياقتى كاسىبي بىلىكتىلىكتەرى جوعارى باعالانادى.
اۆياتسيالىق مامانداردى رەسەي فەدەراتسياسى جوو-دا – ۆورونەج, سىزران, كراسنودار, چەليابينسك قالالارىندا, سونداي-اق اقتوبە قالاسىنداعى ەكى مارتە كەڭەس وداعىنىڭ باتىرى تالعات بيگەلدينوۆ اتىنداعى اۋە قورعانىسى كۇشتەرى اسكەري ينستيتۋتىنىڭ بازاسىندا دايارلايدى.
اسكەري اۆياتسيانى دامىتۋ جوسپارىنا سايكەس, ونىڭ جاۋىنگەرلىك ازىرلىگىن ارتتىرۋ, اۆياتسيالىق تەحنيكاعا ساپالى قىزمەت كورسەتۋ جانە پايدالانۋ, سونداي-اق ۇشۋ قاۋىپسىزدىگىنىڭ دەڭگەيىن ارتتىرۋ ماقساتىندا استانا قالاسىندا ۇلتتىق ۇلاننىڭ 2023 جىلى سالىنعان اۋەجايىنىڭ قۇرىلىسى اياقتالىپ, پايدالانۋعا بەرىلدى. جاڭا اۆيابازادا اسكەري ءبولىمنىڭ جەكە قۇرامىن, اۆياتسيالىق جانە ارنايى تەحنيكاسىن ورنالاستىرۋعا قاجەتتى بارلىق جاعدايلار قامتاماسىز ەتىلگەن.
پولكوۆنيك دميتري باستەر قۇرىلىس بارىسى تۋرالى بايانداپ قانا قويماي, سونىمەن قاتار سالىنعان اۆيابازانىڭ نەگىزگى نىساندارىنا ەكسكۋرسيا جۇرگىزدى.
جاڭا اۆيابازانىڭ ايرىقشا ماقتانىشى – استانا قالاسىنىڭ اۋەجايىنداعى ەڭ ۇلكەن تەحنيكالىق ءبولىمنىڭ انگارى, وعان اقي (اۆياتسيا قىزمەتىنىڭ ينجەنەرلىك) بارلىق توپتارى مەن قىزمەتتەرىنەن باسقا ءتورت ورتا ۇشاققا دەيىن ەركىن ورنالاستىرىلادى.
اۆيابازانىڭ رەسمي اشىلۋى 2024 جىلدىڭ كوكتەمىنە جوسپارلانعان, وعان قازاقستان رەسپۋبليكاسى قارۋلى كۇشتەرىنىڭ جوعارعى باس قولباسشىسى قاسىم-جومارت توقاەۆ كەلەدى دەپ كۇتىلەدى.
سونداي-اق اۆياتسيالىق بازانىڭ سالتاناتتى اشىلۋىندا قازاقستان رەسپۋبليكاسى قارۋلى كۇشتەرىنىڭ اۆياتسيالىق جانە ارنايى تەحنيكاسىنىڭ جاڭا ۇلگىلەرىن كورسەتۋ جوسپارلانىپ وتىر.
باۋىرلاس حالىققا كومەك
ۇلتتىق ۇلان اۆياتسياسى نەگىزگى قىزمەتتىك مىندەتتەرىنەن باسقا, كولىكتىك ۇشاق ەكيپاجدارىنىڭ كومەگىمەن جاۋىنگەرلىك مىندەتتەردى, مەملەكەت باسشىسىنىڭ تاپسىرمالارى مەن نۇسقاۋلارىنا سايكەس حالىقارالىق گۋمانيتارلىق ميسسيالاردى ورىندايدى.
سونداي-اق 2024 جىلدان باستاپ اسكەر اۆياتسياسىنىڭ ەكيپاجدارى ءورتتى ءسوندىرۋ جانە اۋىزدىقتاۋ ءۇشىن تجم-گە كومەك كورسەتۋ بويىنشا كەزەكشىلىك قىزمەتىن اتقارادى.
«2023 جىلدىڭ وزىندە اۆياەسكادريليا ەكيپاجدارى تابيعي سيپاتتاعى توتەنشە جاعدايلار ايماقتارىنان 100-دەن استام زارداپ شەگۋشىنى ەۆاكۋاتسيالاپ, 200 توننادان استام گۋمانيتارلىق جۇكتى سيرياعا, تۇركياعا جانە اۋعانستانعا جەتكىزدى», دەدى پولكوۆنيك دميتري باستەر.
اتاپ ءوتۋ كەرەك, بۇل مەجەلى اەرودرومدارعا بارلىق رەيستەر كۇردەلى مەتەورولوگيالىق جاعدايلاردا, اسىرەسە تۇندە ورىندالدى, ويتكەنى گۋمانيتارلىق جۇكتەردى ۇشاققا تيەگەننەن كەيىن ۇشۋعا كۇندىزگى جارىق جەتكىلىكسىز بولدى جانە زارداپ شەككەندەرگە مۇمكىندىگىنشە تەزىرەك كومەك كورسەتۋ قاجەت بولدى.
«ەل باسشىلىعى اۆياتسيالىق بازانىڭ ۇشۋ قۇرامىنىڭ كاسىپقوي شەبەرلىگىن جوعارى باعالادى. وسى رەتتە 30-دان استام اسكەري قىزمەتشى مەملەكەتتىك جانە ۆەدومستۆولىق ناگرادالارمەن ماراپاتتالدى. ولاردىڭ ىشىندە اۆياتسيالىق جاساق كومانديرى مايور قۇرمانعالي توپانوۆ II دارەجەلى «ايبىن» وردەنىمەن, ليتەرلىك اۆياتسيالىق جاساق كەمەسىنىڭ كومانديرى كاپيتان بەرىكبولسىن حابيبوللا «جاۋىنگەرلىك ەرلىگى ءۇشىن» مەدالىمەن ماراپاتتالدى. سونداي-اق 13 اسكەري قىزمەتشى قر پرەزيدەنتىنىڭ قۇرمەت گراموتاسىمەن ماراپاتتالدى», دەيدى پولكوۆنيك د. باستەر.
رەيستەردىڭ تىكەلەي قاتىسۋشىسى مايور قۇرمانعالي توپانوۆ بۇل رەيستەردى ورىنداۋ كەزىندە تەك بۇلتتىڭ تومەندىگىمەن, شەكتەۋلى كورىنۋمەن عانا ەمەس, سونىمەن قاتار جەر سىلكىنىستەرىنىڭ ناتيجەسىندە ۇشۋ-قونۋ جولاقتارىنىڭ جابىنى مەن اۋەجايلاردىڭ جارىق تەحنيكاسىنىڭ زاقىمدانۋى قيىندىق تۋدىرعانىن اتاپ ءوتتى.
«سيرياعا اتتانعان ءتورت رەيس تە اۋىر بولدى, ويتكەنى تابيعي سيپاتتاعى اپاتتار اسكەري قيمىلداردى ۋشىقتىردى. سونداي-اق سيريا مەن اۋعانستاننىڭ اۋە كەڭىستىگىندە سپۋتنيكتىك ناۆيگاتسيا قۇرالدارى جۇمىس ىستەمەدى جانە سوعان قاراماستان, ءبىز دە تاۋەكەلگە بەل بۋدىق. ءبىز ەكيپاجدىڭ كاسىبيلىگى مەن ۇيلەسىمدىلىگىنە ءۇمىت ارتىپ, بورتتىق ناۆيگاتسيانىڭ جۇمىس ىستەيتىن قۇرالدارىنا عانا جۇگىندىك. بىراق بۇل قيىندىقتارعا قاراماستان, باۋىرلاس حالىقتارعا كومەك كورسەتىپ, زارداپ شەككەن حالىقتىڭ ريزاشىلىعىن الۋ جانە ەلىڭنىڭ مارتەبەسى ءۇشىن قىزمەت ەتەمىن دەگەن ماقتانىش سەزىمى كەۋدەنى كەرنەدى», دەدى مايور قۇرمانعالي توپانوۆ.
بيىل ۇشقىشتار باتىس قازاقستان جانە اقتوبە وبلىستارىنداعى توتەنشە جاعدايلاردان زارداپ شەككەندەرگە دە ءتيىستى كومەك كورسەتتى, وندا 300-دەن استام زارداپ شەككەندەر ەۆاكۋاتسيالانىپ, 20 توننادان استام گۋمانيتارلىق كومەك جەتكىزىلدى.
