فوتو: Polisia.kz
تولەبي اۋدانى ءبىرىنشى مامىر اۋىلدىق وكرۋگىنە قاراستى جاڭاجول اۋىلىندا 2 500-دەن استام تۇرعىن تۇرادى. ءبىر-بىرىنە دەگەن سىي-قۇرمەتى ارتقان اۋىلدا 6 ازىق-ت ۇلىك دۇكەنى بار. ەندى بۇل دۇكەندەردىڭ سورەسىندە اراق-شاراپ مۇلدە ساتىلمايتىن بولادى.
«بۇل باستامانى ىلگەرىتۋ ءۇشىن اۋىل اقساقالدارى, اكىمدىك, پوليتسيا, ءماسليحات دەپۋتاتتارى, قوعامدىق بىرلەستىكتەر جيىن وتكىزدى. وندا اۋىل تۇرعىندارىنىڭ ىشىمدىكتەن باس تارتۋى قىلمىستىڭ, قۇقىق بۇزۋشىلىقتىڭ, وتباسىلىق داۋ-جانجالداردىڭ جويىلۋىنا سەپتىگىن تيگىزەتىنى ايتىلدى. ءوز كەزەگىندە جەكە كاسىپكەرلەر يگى باستاماعا قولداۋ ءبىلدىردى», دەلىنگەن Polisia.kz حابارلاماسىندا.
ايتا كەتسەك, اۋىلدا ۋچاسكەلىك پوليتسيا ينسپەكتورلارىنىڭ جۇيەلى جۇمىسى مەن تۇرعىنداردىڭ اششى سۋدان باس تارتۋى سەبەبىنەن, سوڭعى 3 جىلدا مۇلدە قىلمىس تىركەلمەگەن.
