فوتو: vesti_pavlodar
Vesti_pavlodar Instagram-پاراقشاسىندا حابارلانعانداي, ەرلى-زايىپتىلار 2022 جىلى اجىراسقان. ەر ادام باسقا ايەلمەن جەكە ءومىرىن قۇرا باستاعان. ول اليمەنت تولەمەگەن, ءۇش بالاسىمەن ارالاسپاعان. الايدا ەكى جىلدان كەيىن بۇرىنعى وتباسىنا قايتا ورالىپ كەلگەن.
سول ءتۇنى ەر ادام اس بولمەدە شاينەك قويىپ جۇرگەن ايبانۋعا شابۋىل جاساپ, ونى تۇنشىقتىرىپ ولتىرگەن. وقيعا كەزىندە بالالارى كورشى بولمەدە ۇيىقتاپ جاتقان.
«جاقىندارىنىڭ ايتۋىنشا, ول اقتوبەدەن تاكسيمەن كەلگەن. تاكسيستكە كەنتتىڭ شەتىندە «كۇتە تۇر» دەپ ايتقان. بۇل ارەكەت مۇقيات جوسپارلانعان, بۇرىنعى ايەلىن ءولتىرۋ ءۇشىن كەلگەن. بۇعان جىلجىمايتىن م ۇلىككە تالاس سەبەپ بولعان. ايبانۋ قالادا تۇرا المادى, قارجىلاي قيىندىق كورىپ, اۋىلعا كوشىپ كەتكەن. ارادا ورتاق پاتەر بولعان, بالالاردىڭ بولاشاعىن ويلاعان ايبانۋ بۇرىنعى كۇيەۋىنەن سول پاتەردى ءبولىسۋدى سۇراعان», دەپ جازدى دينا ءتاڭسارى.
پوليتسيا اتالعان فاكتىنى راستادى. ءىس سوتقا جىبەرىلدى.
«كىسى ءولتىرۋ فاكتىسى بويىنشا قىلمىستىق ءىستى تەرگەۋ اياقتالدى جانە پروتسەسسۋالدىق شەشىم قابىلداۋ ءۇشىن سوتقا جىبەرىلدى», دەپ جاۋاپ بەردى اقتوبە وبلىسىنىڭ ءىىد.
