20-24 ءساۋىر ارالىعىندا قالا اكىمدىگى قىزمەتكەرلەرى, وبلىستىق ارداگەرلەر كەڭەسىنىڭ مۇشەلەرى, جاستار رەسۋرسى ورتالىعىنىڭ بەلسەندىلەرى, ا.بايتۇرسىن ۇلى اتىنداعى وڭىرلىك ۋنيۆەرسيتەتتىڭ ماگيسترانتتارى مەن وقىتۋشىلارى بىرىگىپ, جەڭىس ساياباعىن تازارتىپ شىقتى.
ء«ساۋىر باستالعالى بەرى مەردىگەر مەكەمەلەردىڭ قولى جەتپەگەن جەرلەرگە تازالىق جۇمىستارىن جۇرگىزىپ جاتىرمىز. قانشاما ساياباق پەن اللەيانى تازارتىپ, ەسكەرتكىشتەردى جۋىپ, ءسۇرتىپ, اينالاسىن تىرمالاپ, سىپىرىپ, تاپ-تازا ەتىپ قويدىق. بۇگىن, مىنە, جەڭىس ساياباعىنا شىقتىق. كەيدە كۇنىنە 10-15 ماشينا قوقىس شىعاراتىن كەزدەرىمىز بولادى», دەيدى قوستاناي قالالىق تكش ءبولىمىنىڭ جەتەكشىسى دەنيس پەترۋحنو.
مەملەكەت باسشىسى قاسىم-جومارت توقاەۆتىڭ باستاماسىمەن قولعا الىنعان ەكولوگيالىق اكتسيا مامىردىڭ 11-ىنە دەيىن جالعاسادى. تازالىق اكتسياسىنىڭ ءبىر ەرەكشەلىگى ءار كۇنگى سەنبىلىكتىڭ «تازا ولكە», «كيەلى مەكەن», «جاسىل ايماق», «ونەگەلى ۇرپاق», ء«مولدىر بۇلاق» دەگەن سياقتى ءوزىنىڭ تاقىرىبى بار. مىسالى, ءبىر عانا «كيەلى مەكەن» تاقىرىبى اياسىندا وڭىردەگى جۇزدەگەن ەسكەرتكىش پەن كيەلى نىسانداردىڭ ءىشى-سىرتى تازارتىلىپ, اينالاسى قوقىستان ارشىلدى.
سۋ تاسقىنىنان كەيىن سۇرەڭسىز كۇيگە ەنگەن توبىل وزەنىنىڭ جاعاسىن تازارتۋ جۇمىستارى دا كۇندەلىكتى ءجۇرىپ جاتىر. جينالعان قوقىستى تەگىن شىعارىپ بەرۋدى كوممۋنالدىق قىزمەتتەر ءوز مويىندارىنا العان.
وبلىستىق تكش باسقارماسىنىڭ مالىمەتىنشە, وڭىردە كوپ بولىپ قولداۋ تاپقان يگى ءىس-شاراعا وبلىستىڭ 20 اۋدانىنان 42 مىڭ ادام اتسالىسىپ, 2 مىڭ تونناعا جۋىق قوقىس شىعارىلعان.
قوستاناي وبلىسى
