تەمىرجول سالاسىن دامىتۋدى تالقىلاۋ بارىسىندا «باقتى-اياگوز» جوباسى قارالدى. جوبا وڭىردەگى لوگيستيكا مەن ينۆەستيتسيالىق احۋالدى جاقسارتۋ ءۇشىن ستراتەگيالىق ماڭىزعا يە. كەڭەس جوبانى جەدەلدەتىپ ىسكە اسىرۋ قاجەت ەكەنىن اتاپ ءوتىپ, ونى جوبالاۋ مەن قۇرىلىس جۇمىستارىن قاتار جۇرگىزۋ ءۇشىن ەرەكشە رەتتەۋ وبەكتىلەرى قاتارىنا جاتقىزۋ تۋرالى شەشىم قابىلدادى.
سونداي-اق وتىرىس بارىسىندا ينۆەستورلاردا تۋىنداعان پروبلەمالىق ماسەلەلەردى شەشۋ جولدارى قارالدى.
اتاپ ايتقاندا, ۇلىتاۋ وبلىسىندا تەمىر كونتسەنتراتىن وندىرەتىن بايىتۋ فابريكاسى سالىنىپ جاتىر. وندا سەنسورلىق بايىتۋدىڭ يننوۆاتسيالىق تەحنولوگياسى قولدانىلاتىن گەرمانيا مەن قحر-دان اكەلىنگەن جابدىقتاردى پايدالانۋ جوسپارلانعان. دەگەنمەن وندىرىلگەن تەمىر رۋداسىندا ءباريتتىڭ كوپ بولۋىنا بايلانىستى شويىندى ودان ءارى ءوندىرۋ ءۇشىن قاجەتتى تەمىر كونتسەنتراتىن الۋ مۇمكىن ەمەس. وسىعان بايلانىستى ينۆەستيتسيالىق مىندەتتەمەلەردى اۋىستىرۋ تۋرالى شەشىم قابىلداندى.
بۇدان بولەك, كەڭەس «Kazakh Invest» ۇك» اق-نىڭ قازاقستاندىق-گەرماندىق جۇمىس توبىنىڭ جوبالارىن ىسكە اسىرۋ بارىسى تۋرالى بايانداماسىمەن تانىستى.
قازاقستان مەن گەرمانيا اراسىنداعى ەكىجاقتى تاۋار اينالىمىندا وڭ ديناميكا بايقالادى: 2022 جىلى 24,7%-عا جانە 2023 جىلى 41,3%-عا وسكەن. ايتا كەتەيىك, قازاقستان – گفر-دىڭ توپ-50 ساۋدا سەرىكتەستەرىنىڭ قاتارىندا جانە ورتالىق ازياداعى نەگىزگى سەرىكتەسى.
بۇگىندە قازاقستانداعى گەرمان جوبالارىنىڭ جالپى پۋلى 63 جوبانى قۇرايدى, جالپى قۇنى – شامامەن 54,4 ملرد دوللار. ناتيجەسىندە, 14,7 مىڭ جۇمىس ورنى اشىلادى. قازىرگى ۋاقىتتا 32 جوبا ىسكە اسىرىلدى, بۇل ءوز كەزەگىندە 6 مىڭعا جۋىق تۇراقتى جۇمىس ورنىن قامتاماسىز ەتۋگە مۇمكىندىك بەردى.
