Kaspi.kz باسشىسى ءارى نەگىزىن قالاۋشىلاردىڭ ءبىرى ميحايل لومتادزەنىڭ ايتۋىنشا مەملەكەتتىك ورگاندارمەن بىرلەسىپ, دەكلاراتسيانى تاپسىرۋ بارىسىنىڭ ءوزى تۇسىنىكتى, ىڭعايلى ءارى كوپ ۋاقىت المايتىنداي ەتۋگە تىرىسقان.
قازىردىڭ وزىندە جەكە تۇلعالار, زاڭدى تۇلعالار مەن جەكە كاسىپكەرلەر Kaspi.kz جانە Kaspi Pay ءموبيلدى قوسىمشالارىنىڭ كومەگىمەن كولىك سالىعىن, م ۇلىك سالىعىن, تابىس سالىعىن, جەر سالىعىن, كەدەندىك باجدى, ققس مەن باسقا دا كوپتەگەن سالىقتى تولەپ وتىر. 2023 جىلى Kaspi.kz-ءتىڭ ونلاين-سەرۆيستەرىنىڭ كومەگىمەن 1,2 تريلليون تەڭگە, ال 2024 جىلدىڭ ءبىرىنشى توقسانىندا 400 ميلليارد تەڭگەدەن استام سالىق تولەندى. بۇل 2023 جىلدىڭ ءبىرىنشى توقسانىمەن سالىستىرعاندا سالىق تۇسىمدەرى 60%-عا ارتىق, دەيدى ول.
قر قم مەملەكەتتىك كىرىستەر كوميتەتىنىڭ توراعاسى جاندوس دۇيسەمبيەۆ مكك جۇمىسىنىڭ سەرۆيستىك مودەلى مەملەكەت باسشىسىنىڭ تاپسىرمالارىنىڭ ءبىرىن ىسكە اسىرۋ ەكەنىن اتاپ ءوتتى.
قازاقستان حالقىنا قولايلى بولۋ ءۇشىن سالىق تولەۋشىنىڭ كابينەتى (cabinet.salyk.kz), «ەلەكتروندىق ۇكىمەت» ۆەب-پورتالى (egov.kz), «ە-Salyq Azamat», eGov mobile ءموبيلدى قوسىمشالارى, سونداي-اق جەتەكشى بانكتەردىڭ ءموبيلدى قوسىمشالارى, ونىڭ ىشىندە Kaspi.kz ارقىلى دەكلاراتسيا ۇسىنۋ بويىنشا ەلەكتروندىق سەرۆيستەر ىسكە قوسىلدى. اكتيۆتەر مەن مىندەتتەمەلەر تۋرالى دەكلاراتسيانى (250-نىسان) تولتىرۋ وڭاي, ىڭعايلى ءارى قولجەتىمدى بولدى. دەكلارانتتاردىڭ 99,9%-ى ەلەكتروندىق نىساندى تاڭدادى. ەستەرىڭىزگە سالا كەتەيىن, 2024 جىلعى 1 قاڭتاردان باستاپ جالپىعا بىردەي دەكلاراتسيالاۋ جۇيەسىنە جەكە كاسىپكەرلەر, زاڭدى تۇلعالاردىڭ قۇرىلتايشىلارى (قاتىسۋشىلارى), باسشىلارى مەن ولاردىڭ جۇبايى (زايىبى) كىردى, ولار 250-نىساندى تولتىرادى. 2025 جىلعى 1 قاڭتاردان باستاپ اكتيۆتەر مەن مىندەتتەمەلەر تۋرالى دەكلاراتسيانى ازاماتتاردىڭ قالعان ساناتتارى ۇسىنادى. جالپى العاندا, جالپىعا بىردەي دەكلاراتسيالاۋ جۇيەسىنە 13 ميلليون وتانداسىمىز كىرەدى. مەملەكەتتىك كىرىستەر كوميتەتى جەڭىلدەتۋ جانە اۆتوماتتاندىرۋ ساياساتىن جالعاستىراتىنىن اتاپ وتەمىن, دەيدى جاندوس دۇيسەمبيەۆ.
قر ءتسدياوم مەملەكەتتىك قىزمەتتەر كوميتەتى توراعاسىنىڭ ورىنباسارى اينۇر يۋسۋپوۆانىڭ ايتۋىنشا, وتكەن جىلدىڭ قاراشا ايىندا تسيفرلىق دامۋ ءمينيسترى باعدات مۋسين ۇكىمەتتە مەملەكەتتىك قىزمەتتەردىڭ قولجەتىمدىلىگىن ارتتىرۋ بويىنشا جۇرگىزىلىپ جاتقان جۇمىستار مەن ازاماتتارعا قولايلى بولۋ ءۇشىن ەنگىزىلەتىن تسيفرلىق سەرۆيستەر تۋرالى ەسەپ بەرگەن.
مينيستر اعىمداعى جىلعا ارنالعان جوسپارلاردى بەلگىلەي وتىرىپ, قم مكك مينيسترلىكپەن بىرلەسىپ سالىق ەسەپتىلىگىن تاپسىرۋ بارىسى قايتا قارالىپ, دەكلاراتسيانى جەڭىلىرەك تاپسىرۋ سەرۆيسى ەنگىزىلەتىنىن اتاپ ءوتتى. بۇگىن Kaspi پلاتفورماسىندا اتالعان سەرۆيس ىسكە اسىرىلدى. تسيفرلىق دامۋ مينيسترلىگى مەملەكەتتىك قىزمەتتەردىڭ بيزنەس-پروتسەستەرىن رەينجينيرينگىلەۋ بويىنشا جۇمىستى جالعاستىرۋدا جانە وسى باعىتتاعى جۇمىستار جالعاسىن تابادى, دەدى ول.
250-نىسان بويىنشا دەكلاراتسيا – بۇل ازاماتتىڭ جيناقتالعان اكتيۆتەرى مەن مىندەتتەمەلەرى تۋرالى ەسەپتىلىك. ونى جالپىعا بىردەي دەكلاراتسيالاۋ جۇيەسىنە كىرگەن كەزدە ءبىر رەت قانا ۇسىنۋ قاجەت. بارلىق كەيىنگى جىل سايىنعى دەكلاراتسيادا 250-نىساندا باستاپقى مالىمدەلگەن م ۇلىككە قاتىستى وزگەرىستەردى كورسەتىلەدى. سوندىقتان بۇل نىساندى دۇرىس تولتىرۋ وتە ماڭىزدى.
2024 جىلعى 1 قاڭتاردان باستاپ 250-نىسان بويىنشا دەكلاراتسيانى زاڭدى تۇلعالاردىڭ باسشىلارى مەن قۇرىلتايشىلارى جانە ولاردىڭ جۇبايى (زايىبى), سونداي-اق جەكە كاسىپكەرلەر مەن ولاردىڭ جۇبايى (زايىبى), 2025 جىلعى 1 قاڭتاردان باستاپ قازاقستان رەسپۋبليكاسىنىڭ بارلىق ازاماتى تاپسىرۋعا مىندەتتى.
250-نىسان بويىنشا دەكلاراتسيانى جىبەرۋ تۋرالى تولىعىراق Kaspi.kz ءموبيلدى قوسىمشاسىنداعى «گيد» بولىمىنەن وقىڭىز.
