اقتوبە وبلىسىنىڭ پروكۋراتۋراسى بىرقاتار جابىرلەنۋشىلەردىڭ ءوتىنىشى بويىنشا قك-ءنىڭ 190-بابى 4-بولىگى 2-تارماعى “اسا ءىرى مولشەردە اقشا ۇرلاۋ فاكتىسى” بويىنشا سوتقا دەيىنگى تەرگەۋ ءجۇرىپ جاتقانىن مالىمدەدى.
- 2023 جىلى "MoreLife" قق ديرەكتورى ج. "تسەرەبرالدى سال اۋرۋى"دياگنوزىمەن ەسەپتە تۇرعان جاس بالانى ەمدەۋگە 30 ملن تەڭگە كولەمىندە اقشا جيناۋ ءۇشىن جابىرلەنۋشىلەردىڭ بىرىمەن شارت جاساسقان. جينالعان قاراجاتقا قول جەتكىزگەننەن كەيىن كۇدىكتى ج. جابىرلەنۋشى ا. -نى كامەلەتكە تولماعان بالاسىمەن بەلارۋس رەسپۋبليكاسىنىڭ مينسك قالاسىنا جىبەرەدى, - دەدى اقتوبە وبلىسىنىڭ پروكۋراتۋراسى.
الايدا, ۆەدومستۆونىڭ مالىمەتىنشە, جابىرلەنۋشى كەلگەن كەزدە جينالعان اقشا ەمدەۋ مەكەمەسىنىڭ شوتىنا اۋدارىلماعانىن بىلەدى.
- قىلمىستىق ءىس بويىنشا جابىرلەنۋشىلەر وبلىس پروكۋرورىنىڭ جەكە قابىلداۋىندا بولدى. تەرگەۋ قاتاڭ باقىلاۋعا الىندى, جەدەل-تەرگەۋ توبى قۇرىلدى. وبلىس پروكۋرورىنىڭ نۇسقاۋى بويىنشا مore Life قوعامدىق قورىنىڭ ديرەكتورى قىجك – ءنىڭ 128-بابىنا سايكەس ۇستالدى, ەكى اي مەرزىمگە قاماۋدا ۇستاۋ تۇرىندەگى بۇلتارتپاۋ شاراسىنا سانكتسيا بەرىلدى, - دەلىنگەن ءباسپاسوز حابارلاماسىندا.
قازىرگى ۋاقىتتا سوتقا دەيىنگى تەرگەپ-تەكسەرۋ جالعاسۋدا, بارلىق زارداپ شەككەندەردىڭ سانى جانە كەلتىرىلگەن زالال سوماسى بەلگىلەنەدى.
