ءتارتىپ ساقشىلارى جاعدايدىڭ انىق-قانىعى تەرگەۋ مۇددەسى ءۇشىن جاريالانبايتىنىن ايتتى. دەسە دە جانتۇرشىگەرلىك وقيعانىڭ نەگىزگى سيۋجەتى ازدى-كوپتى اشىلدى.
بىرنەشە جىل بۇرىن جاس كەلىنشەك وتباسىنا دەنساۋلىق جاعدايى ەرەكشە بەس بالا اسىراپ العان. وسى جىلدىڭ 16 ساۋىرىندە سول بالالاردىڭ ءبىرى اۋىر سوققى سالدارىنان جانساقتاۋ بولىمىنە تۇسەدى. ءتارتىپ ساقشىلارى بۇل فاكتىگە قىزىعۋشىلىق تانىتىپ, تەكسەرە باستايدى. كوپ ۇزاماي وقيعا تاعى ءبىر جانتۇرشىگەرلىك قىلمىستىڭ بەتىن اشادى.
انىق بولعانداي, بىرنەشە كۇن بۇرىن وبلىستىق كوپسالالى بالالار اۋرۋحاناسىنا تۇسكەن بالانىڭ تۋ تۋرالى كۋالىگى باسقا بالاعا ءتيىستى بولىپ شىعادى. باسىندا مەديتسينا قىزمەتكەرلەرى اناسى اسىعىپ ءجۇرىپ باسقا پەرزەنتىنىڭ قۇجاتىن الىپ كەلگەن دەپ ويلايدى. كەيىننەن اۋرۋحاناعا اكەلىنگەن قۇجات قايتىس بولعان 5 جاستاعى بالاعا تيەسىلى بولىپ شىعادى.
