فوتو: ANTIKOR
«الماتى سۋ» شجق مكك باس ديرەكتورىنىڭ ورىنباسارى اۋىر جەمقورلىق قىلمىس جاسادى دەپ ايىپتالىپ جاتىر.
ول جەرگىلىكتى كاسىپكەردەن ورىندالعان جۇمىستاردىڭ اكتىلەرىنە قول قويعانى جانە جاسالعان مەملەكەتتىك ساتىپ الۋ شارتتارى بويىنشا اقشالاي قاراجات تولەگەنى ءۇشىن 345 ملن تەڭگە كولەمىندەگى بۇرىن كەلىسىلگەن سومادان 75 ملن تەڭگە العان.
قىزىلوردا وبلىستىق كاسىپكەرلىك جانە ونەركاسىپ باسقارماسىنىڭ باسشىسى دا جالپى قامقورلىعى مەن كەلىسىمشارتتى ۇزارتۋعا جانە جەر قويناۋىن ءوندىرۋ كولەمىن ۇلعايتۋ رۇقساتىنا قول قويعانى ءۇشىن ايتارلىقتاي مولشەردە پارا الدى دەگەن كۇدىكپەن ۇستالدى.
«كۇدىكتىلەرگە قاتىستى سوتتىڭ سانكتسياسىمەن «قاماۋدا ۇستاۋ» تۇرىندەگى بۇلتارتپاۋ شاراسى قولدانىلدى. اتالعان ىستەر بويىنشا تەرگەۋ جالعاسىپ جاتىر. قىلمىستىق-پروتسەستىك كودەكسىنىڭ 201-بابىنا سايكەس وزگە اقپارات جاريا ەتىلمەيدى», دەپ جازدى انتيكوردىڭ ءباسپاسوز قىزمەتى.
ايتا كەتەيىك, سىبايلاس جەمقورلىققا قارسى قىزمەت وسى جىلدىڭ باسىنان بەرى «بيزنەسكە جول» جوباسى اياسىندا 43 پروبلەمالىق كەيستى شەشىپ, 5 مىڭ كاسىپكەردىڭ قۇقىعىن قورعاعان.
