فوتو: adebiportal.kz
ترەنينگ ەكى بولىمنەن تۇردى. سپيكەر – نازارباەۆ ۋنيۆەرسيتەتىنىڭ اسسيستەنت پروفەسسورى, فيلولوگيا عىلىمدارىنىڭ كانديداتى جانار ابدىعاپپاروۆا العاشقى تەوريالىق بولىمدە اباي اندەرىنىڭ مۇراسىن, ەرەكشەلىگى مەن شىعۋ تاريحىن باياندادى. ەكىنشى پراكتيكالىق بولىمدە اباي اندەرىنىڭ العاشقى نۇسقاسى مەن حالىق اراسىندا كەڭىنەن تاراعان نۇسقالارىن ورىندادى.
– زەرتتەۋشىلەردىڭ دەرەگىنە سۇيەنسەك, اباي 60-قا جۋىق ءان شىعارعان ەكەن. اقىننىڭ فيلوسوفيالىق, كوركەمدىك دۇنيەتانىمىنا ونىڭ كومپوزيتورلىق تالانتىنىڭ دا ەرەكشە اسەرى بولعانى انىق. ابايدىڭ ءان ايتۋ مانەرى ارقانىڭ انشىلىك مەكتەبىنە جاتادى. كومپوزيتور اندەرىندەگى ەرەكشەلىكتى ءۇش نەگىزگى سالاعا ءبولىپ قاراستىرۋعا بولادى. ليريكالىق اندەرىنە «كوزىمنىڭ قاراسى», «جەلسىز تۇندە جارىق اي», «تاتيانانىڭ قىرداعى ءانى» جاتادى. بۇل توپتاعى اندەردە مۋزىكا مەن اۋەنگە ءمان بەرسە, رەچتاتيۆتى اندەردە سوزگە, ماتىنگە ءمان بەرىلگەن. بۇعان «سەگىز اياق» ءانى مىسال بولا الادى. اندەرىندەگى تاعى ءبىر ەرەكشەلىك – فيلوسوفيالىق تاقىرىپتاعى تۋىندىلار. اقىن ءومىرىنىڭ سوڭعى جىلدارىندا جازىلعان ءومىردىڭ ءمانىن ۇعىندىراتىن اندەرى وسى توپقا جاتادى. تىڭدارمانعا حاكىم اباي اندەرىن جان-جاقتى قىرىنان تانىتتىم. بۇل قازىرگى جاستارعا كەرەك دۇنيە دەپ تۇسىنەمىن. سەبەبى اباي مۇراسى قانشا زامان اۋىسىپ, جىلدار جاڭارسا دا وزگەرمەيدى, – دەدى ج.ابدىعاپپاروۆا.
سەميناردا اباي اندەرىنىڭ جاڭاشىلدىعى, ونىڭ زەرتتەلۋى, قازىرگى تاڭداعى ناسيحاتتالۋى جايىندا تالداۋ جاسالدى. ابايدىڭ مۋزىكالىق مۇراسى ارقىلى ء«ان – حالىقتىڭ جانى» ەكەنىن تاعى ءبىر دالەلدەي ءتۇستى.
ەركەناز قورداباي,
ل.ن. گۋميلەۆ اتىنداعى ەۇۋ ستۋدەنتى
