بۇگىندە ءىىم ب.بەيسەنوۆ اتىنداعى قاراعاندى اكادەمياسىنىڭ 3-كۋرس كۋرسانتى, پوليتسيا سەرجانتى جەكپە-جەكتى العاشقى راۋندتىڭ 57-ءشى سەكۋندىندا اياقتاپ, تاجىكستان سپورتشىسى رادجاببوي احمەدوۆتى نوكاۋتقا ءتۇسىردى.
جەكپە-جەك باستالعان ساتتەن-اق باۋىرجان قارسىلاسىنا ۇستەمدىك تانىتىپ, بىرنەشە جويقىن سوققىسىن بوراتىپ ەسىن اۋداردى. ء تىپتى اۋىر سوققىعا قارسىلاسى شىداس بەرە الماعانىن بايقاعان رينگتەگى رەفەري جەكپە-جەكتى توقتاتتى.
بوكسشى نۇربەك ورالباي جاڭا سالماق دارەجەسىنە اۋىستى
تالانتتى بوكسشى باۋىرجان ءالي بۇعان دەيىن قاراعاندى قالاسىندا ع. جارىلعاپوۆتى ەسكە الۋعا ارنالعان حالىقارالىق تۋرنيردە چەمپيون اتانىپ, كاسىپقوي بوكسقا قاتىسۋ ليتسەنزياسىن يەلەنگەن بولاتىن. ول بوكستان سپورت شەبەرى, ەل چەمپيونى جانە حالىقارالىق, رەسپۋبليكالىق تۋرنيرلەردىڭ بىرنەشە دۇركىن جەڭىمپازى.
جاس سپورتشى بۇگىندە قازاقستان ۇلتتىق قۇراماسىنىڭ مۇشەسى. باۋىرجان وقۋ مەن سپورتتى قاتار الىپ ءجۇرىپ, حالىقارالىق ارەنالاردا ەل نامىسىن ابىرويمەن قورعاپ كەلەدى.
